Хэрэглэх арга, тун:

Ууж хэрэглэнэ. Доод  мөчний венийн судасны өргөсөлт, вен-тунгалагийн архаг дутагдлын эхэн үед (хөл хүндрэх)хоногт 1 шахмалыг өглөө хоол идэхийн өмнө 2 сарын турш, вен-тунгалагийн архаг дутагдлын хүнд  үед (хавагнах, өвдөх, татах ба бусад) 3-4 сарын турш, тэжээлийн өөрчлөлт болон шархны үед 6 сар түүнээс дээш хугацаагаар тус тус эмчилгээг үргэлжлүүлнэ. Ээлж эмчилгээг 2-3 сарын дараа давтана.

Шамбарамын сэдрэлийн үед хоногт 2-3 шахмалыг хооллох үедээ 7 хоногийн турш хэрэглэх ба цаашид шаардлагатай бол өдөрт 1 шахмалаар 1-2 сарын турш ууна.

Жирэмсний II, III дахь гурван сарын үед вен-тунгалагийн архаг дутагдлын эмчилгээнд өдөрт 1 шахмалыг уух ба төрөх хугацаанаас 2-3 долоо хоногийн өмнө хэрэглэхээ зогсооно.

Хэрвээ хэд хэдэн удаа уухаа мартсан бол ердийн тунгаар үргэлжлүүлнэ.  

Хэрэглэх заалт:

·        Доод мөчний венийн судасны өргөсөлтийн үед

·        Доод мөчний тунгалаг-венийн архаг дутагдлын үед

·        Шамбарам /геморрой/

·        Бичил эргэлтийн алдагдлын үед тус тус хэрэглэнэ.

Хориглох заалт:

Бэлдмэлийн бүрэлдэхүүн хэсэгт хэт мэдрэг хүмүүс болон 18-аас бага насныхан хэрэглэхийг цээрлэнэ.

30градусаас ихгүй хэмд, ХҮҮХДЭЭС ХОЛ ХАДГАЛНА.

Гаж нөлөө:

Ховор тохиолдолд бэлдмэлийн найрлага дахь аль нэг бодист хэт мэдрэг байх, хоол боловсруулах  замын хямрал, төв мэдрэлийн системийн талаас толгой өвдөх зэрэг шинж илэрч болох ба энэ үед эмчилгээг завсарлах шаардлагатай.

Тун хэтрэлт:

Тун хэтэрсэн шинж тэмдгүүд тэмдэглэгдээгүй.

Бусад эмийн бодистой харилцан нөлөөлөл:

Эмнэлзүйн ач холбогдол бүхий харилцан үйлчлэл тэмдэглэгдээгүй.

Онцгой заалт:

Шамбарамын хурцдалын үед эмчилгээг бусад бэлдмэлүүдтэй хавсарч хийх ба эмнэлзүйн үр дүн хурдан гарахгүй бол нэмэлт шинжилгээ хийж, эмчилгээг өөрчлөх шаардлагатай.

Эхэсийн цусан хангамжийн дутагдлын эмчилгээнд, умайд ерөндөг тавьснаас шалтгаалж цус алдахаас урьдчилан сэргийлэх зорилгоор, мөн флебоэктоми мэс заслын дараах үед бэлдмэлийг хэрэглэх нь үр дүнтэй байж болох тухай мэдээлэл байдаг.