Тун ба хэрэглэх арга: 

Эмгэгийн байдлаас хамааран преднизолоныг хоногт 5-60мг хүртэл янз бүрийн тунгаар эхэлж болно. Ихэнхдээ хоногийн тунг хувааж хэрэглэдэг. Эмчилгээний үр дүн болон сөрөг нөлөөг харгалзан хувь хүмүүст тохирох тунг сонгон олж хэрэглэх ба өвчний идэвхижлийг тогтмол хянаж байх ёстой. Ерөнхийдөө эхэлсэн тунгаараа үргэлжлүүлж буюу эсвэл тохиромжтой үр дүн илэртэл тунг нэмэгдүүлдэг. Цаашид эмнэл зүйн тохиромжтой хамгийн бага тун хүртэл нь тунг аажим багасгана. Удаан хугацааны эмчилгээний явцад өвчин хурцдах буюу стресс үүссэн үед тунг мөн ихэсгэж болно. Эмчилгээний эцэст эмийг гэнэт биш тунг аажим багасгаж зогсооно. Тунгийн завсарлагаат дэглэм: Преднизолоныг нэг өдөр алгасаад өглөө нь уух буюу эсвэл түүнээс удаан хугацааны завсарлагатайгаар хэрэглэхэд зарим өвчтөнд зохимжтой байдаг. Энэхүү дэглэмээр хэрэглэхэд өнчин тархи-бөөрний дээрх булчирхайн үйл ажиллагаа дарангуйлагдах өртөмж багасдаг болох нь практикаас ажиглагддаг.

Хэрэглэх заалт:

·         Харшил ба анафилакси: Бронхийн багтраа, эмийн хэт мэдрэгшилийн урвалууд, сийвэнгийн өвчин, судаслаг хаван болон анафилакси.

·         Амьсгалын замын өвчин: харшилт пневмонит, багтраа, ажлын байрны багтраа, уушгиний аспергиллиоз, уушгиний фиброз, уушгиний альвеолит, амьсгалын зам гадны биетээр тагларсан аспираци, ходоодны агууламжаар аспираци үүсэх, уушгиний саркойд, эмийн шалтгаант уушгиний өвчин, насанд хүрэгсэдийн амьсгал дарангуйлагдах хам шинж, агчилын шалтгаант амьсгал боогдолт.

·         Хэрлэгийн эмгэгүүд: Ревмотоид артрит, хэрлэгийн шалтгаант олон булчин өвдөх, өсвөр үеийн архаг артрит, системийн чоно яр өвчин, дерматомиозит болон холбох эдийн холимог өвчнүүд

·         Артерит/холбох эдийн эмгэгүүд: Артерит, хэрлэгийн шалтгаант олон булчингийн өвдөлт, холбох эдийн холимог өвчнүүд, зангилаат полиартерит, полимиозит.

·         Цусны эмгэгүүд: Цус задралт анеми, лейкеми, лимфома, тархмал миелом, идиопатик тромбоцитопенит пурпура.

·         Зүрх судасны эмгэгүүд: миокардийн инфарктийн дараах хам шинж, хүнд хэлбэрийн кардит бүхий хэрлэгийн халууралт.

·         Дотоод шүүрлийн эмгэгүүд: Адерналиний анхдагч ба хоёхдогч дутмагшил, бөөрний дээд булчирхайн адерналин ялгаруулагч хэсгийн төрөлхийн гиперплази.

·         Ходоод гэдэсний эмгэгүүд: Кроны өвчин, шархлаат колит, цутгалан гэдэсний хам шинж, аутоиммуны архаг идэвхит гепатит, элэг хамарсан олон системийн өвчин болон цөсний перитонит.

·         Халдварууд: Милитар сүрьеэ, орчит, сүрьеэгийн менингит, риккетсийн өвчин.

·         Булчингийн эмгэгүүд: полимиозит, дерматомиозит.

·         Мэдрэлийн эмгэгүүд: инфантиль спазмууд, Шай-Драгер хам шинж, хурцавтар миелингүйжилтэт полиневропати.

·         Нүдний эмгэгүүд: склерит, арын увеит, торлогын васкулит, ухархайн хуурамч хавдар, нүдний малигнант Гравес өвчин.

·         Бөөрний эмгэгүүд: Люпус нефрит, завсарын эдийн цочмог нефрит, бага гэмтэлт гломерулонефрит

·         Арьсны эмгэгүүд: Pemphigus vulgaris, bullous pemphigoid, systemic lupus erythematosus, pyoderma gangrenosum.

·         Бусад эмгэгүүд:  Саркойдоз, гиперпирекси, Бекцетийн өвчин,эрхтэн шилжүүлэн суулгасан үеийн дархлал дарангуйлах эмчилгээ

Цээрлэлт:

·            Халдварын эсрэг өвөрмөц эмчилгээ хийлгэж байгаа бус системийн халдварууд,

·            Түүний найрлаганд буй аль нэгэн бодист хэт мэдрэгшсэн өвчтөн,

·            Цоорох аюултайн улмаас нүдний Herpes simplex өвчний үед тус тус хэрэглэхгүй.

Хуурай сэрүүн нөхцөлд нарны шууд тусгалаас гэрлээс хол 30градусаас доош хэмд  хүүхдээс хол хадгална.

Гаж нөлөө: 

Ихэнхдээ лейкоцитоз, анафилакси, тромбоэмболизм, дотор муухайрах болон бие сулрах зэрэг хэт мэдрэгшлийн урвалууд илэрдэг.

Болгоомжлол:

Преднизолон зэрэг ууж хэрэглэдэг кортикостероидыг дараах өвчтөнд болгоомжтой хэрэглэнэ. Үүнд: сүрьеэ, артерийн даралт ихсэлт, зүрхний үйл ажиллагааны дутмагшил, элэгний дутмагшил, бөөрний үйл ажиллагаангы дутмагшил, чихрийн шижин буюу удамдаа чихрийн шижингийн өгүүлэмжтэй өвчтөн, ясны сийрэгшилт, сэтгэцийн хүнд хэлбэрийн өгүүлэмжтэй буюя ялангуяа урьд нь стероидоор өдөөгдсөн солиорол үүсч байсан өгүүлэмжтэй өвчтөн, эпилепси, ходоодны шархлаа болон урьд нь стероидын хамааралт миопати-тай байсан өвчтөн зэрэг болно. Бага тунгаар богино хугацаагаар хэрэглэх буюу өнжөөд эмээ өглөө уух замаар түүний сөрөг нөлөөг багасгаж болдог. Өвчний идэвхижлийг бууруулах тохиромжтой тунг тогтоохын тулд өвчтөнийг ойр ойрхон хянан үнэлж байх ёстой.

Жирэмсэн ба хөхүүл үед хэрэглэх:

·            Жирэмсэн үед: Амьтанд хийгдсэн судалгаанаас үзвэл жирэмсэн үед ноцтой сөрөг нөлөө үзүүлэх боломжтой.

·            Хөхүүл үед: Кортикостероидууд хөхний сүүгээр бага хэмжээгээр ялгардаг тул эх нь кортикостероидыг эмчилгээний тунгаар хэрэглэж буй үед наярайд бөөрний дээрх булчирхайн үйл ажиллагаа дарангуйлагдаж болохыг анхааран хянаж байх нь зүйтэй.

Хүүхдэд хэрэглэх:  Кортикостероидууд нярай, бага насны болон өсвөр насны хүүхдийн өсөлтийг удаашруулдаг боловч энэ нь эргэх шинж чанартай байдаг. Эмчилгээг өнжөөд өглөө нь эмээ уух хэлбэрээр явуулах нь зүйтэй.