Хэрэглэх арга ба тун

Насанд хүрсэн хүнд валидолыг хэлэн дор тавьж хэрэглэнэ. Шахмалыг бүрэн уустал аман дотор, хэлэн дороо барина. Өдөрт 2-3 удаа нэг шахмалаар хэрэглэнэ.

Эмчилгээний үр дүнгээс хамааруулж өдөрт уух тоо болон эмчилгээний үргэлжлэх хугацааг тогтооно. Эмчилгээний үр нөлөө хангалтгүй, эсвэл зарим өвчтөнд эмчилгээ эхэлснээс 5 минутын дотор үр дүн ажиглагдахгүй бол зүрхний шигдээсийн өвдөлтийг үгүйсгэх, өөр эмчилгээ эхлэх зорилгоор зайлшгүй эмчид хандана. Хүчтэй, нэмэгдэж буй өвдөлтийн үед, ялангуяа өмнө нь оношлогдсон зүрхний тодорхой өвчтэй бол (ачааллын үеийн зүрхний бах, миокардын инфаркт болж байсан бол) яаралтай түргэн тусламж дуудна.

Хэрэглэх заалт

Үйл ажиллагааны кардиалги, невроз, тэнгисийн болон өндрийн өвчний үед бөөлжилтийн эсрэг бэлдмэл болгон ашиглана.

Эсрэг заалт

Бэлдмэлийн найрлаганд байгаа нэгдлүүдэд хэт мэдрэгшилтэй байх.

Хуурай нөхцөлд, 12-18°С-ийн температурт хүүхдийн гар хүрэхээргүй газар хадгална.

Гаж нөлөө

Удаан хугацаагаар хэрэглэхэд хөнгөн зэргийн дотор муухайрах, нулимс гоожих, толгой эргэх шинж илэрнэ. Эдгээр шинж тэмдэг нь аажим өөрөө арилна.

Тун хэтрүүлэх

Шинж тэмдгүүд: толгой өвдөх, дотор муухайрах, хэт сэрэмтгий болох, зүрхний үйл ажиллагаа алдагдах, артерийн даралт унах, төв мэдрэлийн тогтолцоо дарангуйлагдах.