Хэрэглэх арга, тун:

Агааргүйтэн бактерийн халдварын эмчилгээ

Агааргүйтэн бактерийн эмчилгээнд эхлээд судсанд дуслаар тарина. Зөвхөн боломжтой болох үед эмчилгээг шахмал хэлбэрээр үргэлжлүүлнэ.

Насанд хүрэгсэд 400мг-р хоногт 3 удаа ууж хэрэглэнэ. Эмчилгээний үргэлжлэх хугацаа 7 өдөр хүртэл бөгөөд хэрэглэх заалтаас хамаарч  шаардлагатай үед уртасгаж болно.

12-оос доош насны хүүхдэд 7.5мг/кг-р хоногт 3 удаа ууна.

Clostridum difficile-р үүсгэгдсэн нарийн бүдүүн гэдэсний үрэвслийн үед 400мг-р хоногт 3 удаа 10 өдөр ууж хэрэглэнэ.

Бактерийн гаралтай вагинозын үед 2г-р 1 удаа буюу 400мг тунгаар хоногт 2 удаа 7 өдөр хэрэглэнэ. Бэлгийн хавьтагчийн зэрэг эмчлэх шаардлагагүй.

Helicobacter pylori-ын эмчилгээнд метронидазолыг 400мг-р хоногт 2 удаа 7 өдөр бусад бичигдсэн эмийн бэлдмэлтэй хавсарч хэрэглэнэ.

Trichomonas vaginalis-р үүсгэгдсэн халдварын үед бэлдмэлийг 2г-р 1 удаа хэрэглэх бөгөөд метронидазолын тун 2г байвал тунг 2 хувааж  2 шахмалыг өглөө, 3 шахмалыг орой ууж болно. Бэлгийн хавьтагчийг хамт эмчлэх шаардлагатай.

Лямблиозын эмчилгээнд насанд хүрэгсдэд 400мг-р хоногт 2 удаа; хүүхдэд хоногт 35-50мг/кг-р 2 хувааж 5 өдөр тус тус хэрэглэнэ.

Гэдэсний амебиазын үед метронидазолыг 800мг-р 8 цагийн зайтай 5 өдөр хэрэглэнэ.

Элэгний буглаа ба гэдэсний бус амебиазын бусад хэлбэрийн үед дээрх тунгаар 7-10 өдөр хэрэглэнэ.

Буйлны шархлаат үрэвслийн үед насанд хүрэгсдэд хоног 2г-р 3-4 хувааж, 3-5 өдөр хэрэглэнэ.

Хэрэглэх заалт:

Бэлдмэлийг дараах эмгэгийн эмчилгээнд хэрэглэнэ.

·        Bacteroides spp., Clostridum spp., Eubacterium spp., Peptococcus spp., Peptostreptococcus spp. болон метронидазолд мэдрэг бусад агааргүйтэн бактерийн халдвар (эмэгтэйчүүдийн ба хэвлийн халдвар, ТМС-ийн халдвар, бактериеми, үжил, эндокардит, яс, үе, арьс, зөөлөн эдийн халдвар, шүдний холбоос эдийн халдвар, амьсгалын замын халдвар)

·        Clostridum difficile-р үүсгэгдсэн нарийн бүдүүн гэдэсний үрэвсэл ба бактерийн гаралтай вагиноз

·        Хоол боловсруулах зам ба нөхөн үржихүйн эрхтний мэс заслын өмнө урьдчилан сэргийлэх зорилгоор хэрэглэнэ.

·        Helicobacter pylori-ын эмчилгээ

·        Гэдэсний ба гэдэсний бус амебиаз, Giardia lamblia ба Trichomonas vaginalis-р үүсгэгдсэн халдвар

Цээрлэлт:

Бэлдмэлийг метронидазол болон бэлдмэлийн найрлага дахь туслах бодис, нитроимидазолын бүлгийн бэлдмэлд хэт мэдрэг өвчтөн, лейкопени (лейкоцитын тоо цөөрөх), ТМС-ийн органик гэмтэл (ялангуяа эпилепси), элэгний дутагдал (бэлдмэлийг өндөр тунгаар хэрэглэж байгаа тохиолдолд), жирэмсэн (эхний 3 сар) ба хөхүүл үе зэрэгт тус тус хэрэглэхийг цээрлэнэ.

Жирэмсний II ба III дахь 3 сар, элэг ба бөөрний дутагдлын үед болгоомжтой хэрэглэнэ.

25°С-аас доош хэмийн  хүүхэд хүрэхээргүй газар хадгална.

Онцгой анхааруулга!

Хүнд явцтай элэгний дутагдалтай өвчтөнд метронидазолыг маш болгоомжтой хэрэглэнэ. Учир нь бэлдмэлийн метаболизм удааширч цусан дахь метронидазол болон түүний метаболитын концентраци ихсэнэ.

Бөөрний дутагдалтай өвчтөнд бэлдмэлийн ялгарал удааширдаг тул тунг сонгохдоо онцгой анхаарна.

Метронидазолыг ТМС ба цус төлжилт дарангуйлагдсан болон настай өвчтөнд маш болгоомжтой хэрэглэнэ.

Порфири-тэй өвчтөнд метронидазолыг хэрэглэхээс зайлсхийнэ.

Бэлдмэлийн удаан хугацааны эмчилгээний үед (10-с олон хоног) элэгний үйл ажиллагаа ба захын цусны үзүүлэлтийг хянана.

Эмчилгээний үед болон эмчилгээ дууссанаас хойш 3 хоногийн дотор өвчтөн спиртийн төрлийн ундаа хэрэглэж болохгүй. Учир нь дисульфирам төст урвал үүсэж болзошгүй.