АЦЦ ЛОНГ 600 бэлдмэлийг  өөр тунгаар зөвлөөгүй бол дараах тунгаар хэрэглэнэ.

Насанд хүрэгсэд ба 14-с дээш насны хүүхдэд

1/2 уусдаг шахмалыг  хоногт 2 удаа, эсвэл 1 уусдаг шахмалыг хоногт 1 удаа (хоногт 600 мг ацетилцистеин)

АЦЦ ЛОНГ бэлдмэлийг зааврын дагуу хэрэглэснээр эмчилгээний үйлдэл илэрнэ

Хэрэглэх арга:

Бэлдмэлийг бүрэн ууссаны дараа ууж хэрэглэнэ.

Хоол идсэний дараа хэрэглэнэ.

Уусдаг шахмалыг аягатай усанд бүрэн уусгаад дуустал нь ууна.

Шингэн зүйл нэмж уувал цэр шингэлэх үйлдэл нь нэмэгдэнэ.

Эмчилгээ үргэлжлэх хугацаа

Богино хугацаанд үргэлжлэх томуугийн үед 5-7 хоног хэрэглэнэ.

Хэрэв 4-5 хоног хэрэглэхэд шинж тэмдэг хүндэрч, сайжрахгүй бол эмчид хандана уу.

Гуурсан хоолойн архаг үрэвсэл болон муковисцидозын үед ээлж эмчилгээ удаан хугацаанд үргэлжилнэ. Эмчилгээний үргэлжлэх дээд хугацаа 3-6 сар.

Эм уухаа мартсан үед

Хэрэв та эмээ уухаа мартсан эсвэл маш бага тунгаар уусан бол нөхөж уухгүй ба дараагийн тунг зааврын дагуу үргэлжлүүлэн хэрэглэнэ.

Хэрэглэх арга:

Бэлдмэлийг бүрэн ууссаны дараа ууж хэрэглэнэ.

Хоол идсэний дараа хэрэглэнэ.

Уусдаг шахмалыг аягатай усанд бүрэн уусгаад дуустал нь ууна.

Металл, резинтэй исэлдэхээс сэргийлж бэлдмэлийг шилэн аяганд уусгана. 

Шингэн зүйл нэмж уувал цэр ховхлох үйлдэл нь нэмэгдэнэ.

Эмчилгээ үргэлжлэх хугацаа

Богино хугацаанд үргэлжлэх томуугийн үед 5-7 хоног хэрэглэнэ. Гуурсан хоолойн архаг үрэвсэл болон муковисцидозын үед халдвараас урьдчилан сэргийлж ээлж эмчилгээг удаан хугацаагаар үргэлжлүүлнэ.

Эм уухаа мартсан үед

Хэрэв та эмээ уухаа мартсан эсвэл маш бага тунгаар уусан бол нөхөж уухгүй ба дараагийн тунг зааврын дагуу үргэлжлүүлэн хэрэглэнэ.

ХЭРЭГЛЭХ ЗААЛТ:

АЦЦ ЛОНГ – цэр шингэлэх бэлдмэл нь цэрний зуурамтгай чанарыг багасгаж ялгаралтыг хөнгөвчилж, цэр ховхлох боломжийг бүрдүүлнэ.

АЦЦ ЛОНГ-г дараах тохиолдолд хэрэглэнэ. Үүнд: ховхроход хүндрэлтэй, өтгөн цэр бүхий гуурсан хоолойн цочимог ба архаг үрэвсэл, гуурсан хоолойн бөглөрөлт үрэвсэл, гуурсанцарын үрэвсэл, гуурс тэлэгдэх өвчин (бронхэктази), уушгины хатгалгаа, ларингит, трахеит, томуу, гуурсан хоолойн багтраа,  муковисцидоз, синусит зэрэг амьсгалын замын өвчний үед хэрэглэнэ.

ЦЭЭРЛЭЛТ:

-       Ацетилцистеин, метилпарагидроксибензоат болон бэлдмэлийн найрлага дахь бусад бодист хэт мэдрэг хүмүүс

-       Ходоод, 12 хуруу гэдэсний шархлаа

-       АЦЦ ЛОНГ бэлдмэлд агуулагдах бодисын хэмжээ их тул 14 доош насны хүүхдүүдэд хэрэглэхгүй.

25°С-аас доош хэмд, хүүхэд хүрэхээргүй газар  хадгална.

Хэрэглэсний дараа тубын тагийг сайтар таглана. 

Хүчинтэй хугацаа дууссанаас хойш бэлдмэлийг хэрэглэхгүй.

ОНЦГОЙ АНХААРУУЛГА БА АВАХ АРГА ХЭМЖЭЭ:

Гуурсан хоолойн багтраа, ходоод, 12 хуруу гэдэсний шархлаа өвчний өгүүлэмжтэй өвчтөнүүд бэлдмэлийг болгоомжтой хэрэглэнэ.

АЦЦ хэрэглэхэд цэрийг шингэрүүлэн хэмжээг нь ихэсгэдэг (ялангуяа эмчилгээний эхний үед) учир цэр гадагшлуулах боломжгүй тохиолдолд арга хэмжээ (дренаж ба соруулах) авна. Ацетилцистеин хэрэглэх үед  арьсны хүнд хэлбэрийн урвал буюу Стивенс-Жонс болон Лейлын хам шинж маш ховор тохиолдолд ажиглагдана. АЦЦ ЛОНГ хэрэглэж байхад арьс, салст  бүрхүүлд харшлын урвал илэрсэн тохиолдолд эмчилгээг шууд зогсоож эмчид хандана.

Нэг уусдаг шахмал нь 6,03 ммоль (138.8 мг) натри агуулна. Натри агууламжийг (натрийн агууламж бага/ давсны агууламж бага) хянах дэглэм барьж буй өвчтөнүүдэд үүнийг тооцох шаардлагатай.

АЦЦ ЛОНГ бэлдмэл лактоз агуулдаг тул удамшлын ховор тохиолдох эмгэг болох галактоз үл тохирох болон лактазын дутагдал, глюкоз-галактозын шимэгдэлтийн алдагдалтай хүмүүст хэрэглэхгүй.

Нэг уусдаг шахмал АЦЦ ЛОНГ нь 75 мг аскорбины хүчил агуулах тул витамин С-ийн хоногийн хэрэглээг хангана.

Бэлдмэл аскорбины хүчил агуулдаг учир глюкозо-6-фосфатдегидрогеназын дутагдал, гемохроматоз, сидеробласт цус багадалт, талассеми, гипероксалури, оксалоз, бөөрний чулуутай өвчтөнүүдэд болгоомжтой хэрэглэнэ.

Аскорбин хүчил нь салицилат ба богино хугацааны үйлдэлтэй сульфаниламидуудын эмчилгээний үед кристаллури үүсэх эрсдлийг нэмэгдүүлнэ, хүчлийн бөөрөөр ялгаралтыг удаашруулна, ууж хэрэглэх жирэмслэлтээс сэргийлэх бэлдмэлийн үйлдийг сулруулна.

Аскорбины хүчил нь лабораторын шинжилгээний хариуг гажуудуулж болзошгүй (цусан дахь глюкозын агууламж, билирубин, трансаминазын идэвхижил, ЛДГ). Аскорбины хүчил нь өндөр тунгаар өтгөнд далд хэлбэрийн цус алдалтыг илрүүлэх сорилд хуурамч сөрөг хариу үзүүлдэг.

ЖИРЭМСЭН БОЛОН ХӨХҮҮЛ ҮЕД ХЭРЭГЛЭХ:

Жирэмсэн эмэгтэйчүүдэд ацетилцистеин хэрэглэсэн талаарх мэдээлэл хангалтгүй. Ацетилцистеин хөхний сүүгээр ялгардаг талаарх мэдээлэл одоогоор байхгүй. Жирэмсэн болон хөхүүл үед бэлдмэл хэрэглэх бол эхэд үзүүлэх эмчилгээний ашиг тус ба эрсдэлийг харьцуулан үнэлсний дараа хэрэглэнэ.

ТУН ХЭТРЭЛТ:

Бэлдмэлийн тунг хэтрүүлж хэрэглэх үед амь насанд аюултай сөрөг нөлөө илэрсэн тухай мэдээлэл бүртгэгдээгүй байна.  Сайн дурын хүмүүст  11,6 г/хоног тунгаар 3 сарын турш хэрэглүүлэхэд ямар нэг ноцтой гаж нөлөө илрээгүй.  Ацетилцистеиныг биеийн жинд 500мг/кг тунгаар тооцож ууж хэрэглэхэд хордлогын ямар нэг шинж илрээгүй.

Тун хэтэрсэн тохиолдолд ходоод гэдэсний замаас дотор муухайрах, бөөлжих, гүйлгэх, зэрэг шинж илэрч болзошгүй. Нэг хүртлэх насны хүүхдэд гиперсекреци болох эрсдэлтэй.

Шаардлагатай бол шинж тэмдэгийн эмчилгээ хийнэ.