Хэрэглэх арга, тун

Насанд хүрэгсэд:

Шээсний замын хүндрэлгүй халдвар: 1 шахмалаар (400мг) 12 цагийн зайтайгаар 3 өдөр хэрэглэнэ.

Шээсний замын хүндэрсэн халдвар: 1 шахмалаар (400мг) 12 цагийн зайтайгаар 7-10 өдөр хэрэглэнэ.

Шээсний замын архаг явцтай дахилтат халдварын үед эмчилгээ 21 хоногоос 12 долоо хоног хүртэл хугацаагаар үргэлжилж болно.

Хүүхэд:

Норфлоксацин нь дутуу төрсөн амьтны үений эмгэг үүсгэдэг учир түүнийг хүүхдэд хэрэглэхгүй (“цээрлэлт” гэсэн хэсгийг үз).

Өндөр настан:

Өндөр настангуудад бэлдмэлийг хэрэглэхтэй холбоотой  өвөрмөц бэрхшээл тогтоогдоогүй. Гэвч өндөр настай өвчтөнд нас ахих тусам бөөрний үйл ажиллагаа нь багасах магадлал өндөр байдаг тул бэлдмэлийн тунг зохицуулах шаардлага гарч болно.

Хэрэглэх заалт

Нортоп 400 бэлдмэлийг уг бэлдмэлд мэдрэг үүсгэгчээр үүсгэгдсэн шээсний дээд ба доод замын  хүндэрсэн болон хүндрээгүй (цистит, пиелит, цистопиелит, пиелонефритийг оруулаад) халдварын эмчилгээнд хэрэглэнэ.

Pseudomonas aeruginosa-р үүсгэгдсэн халдварын эмчилгээнд аминогликозидын бүлгийн бэлдмэлтэй хамт хэрэглэх хэрэгтэй.

Цээрлэлт

Нортоп 400 бэлдмэлийг хинолины бүлгийн бактерийн эсрэг эмтэй химийн хувьд хамааралтай ямар нэгэн бодис болон бэлдмэлийн найрлага дахь туслах бодисуудад хэт мэдрэгшилтэй хүмүүст хэрэглэхийг цээрлэнэ.

Бэлдмэлийг түүнчлэн креатинины клиренс 30мл/мин-с бага байгаа өвчтөнд хэрэглэхгүй.

Нортоп 400 бэлдмэлийг 18 хүртэл насны хүүхэд болон өсвөр насныханд хэрэглэхгүй. Учир нь фторхинолинууд нь биеийн жингийн тулгуур үений мөгөөрсийг байнга гэмтээснээр дутуу төрсөн нохойг хазгар болгосон судалгаа байдаг байна. Уг бэлдмэл болон  бусад хинолинууд нь янз бүрийн зүйлийн дутуу төрсөн амьтанд үений эмгэг үүсгэсэн талаар мэдээлэгдсэн байна.

Нортоп 400 бэлдмэлийг жирэмсэн үед хэрэглэхэд аюулгүй эсэх нь тогтоогдоогүй тул түүнийг жирэмсэн үед хэрэглэхгүй. Мөн хөхүүл үед аюулгүй эсэх нь тогтоогдоогүй байна.

30°С-аас доош хэмд хадгална. Гэрлээс хамгаална.

Хүүхэд үзэж хүрэхээргүй газар хадгална.

Гаж нөлөө ба тусгай анхааруулга

Гаж нөлөө: хоол боловсруулах замын зүгээс илрэх гаж нөлөө (хэвлийн болон ходоодны өвдөлт, дотор муухайрах, хоолонд дургүй болох, бөөлжих, суулгах, цээж хорсох), төв мэдрэлийн системийн хордлогын шинж (толгой эргэх, толгой өвдөх, сэтгэл санаа хямрах, нойрмоглох, нойргүйдэх) хамгийн олонтаа тохиолддог.

Нийтлэг биш тохиолддог бусад гаж нөлөөнд төв мэдрэлийн идэвхжил (солиорол, сэтгэл гутрал,  таталт, түгшүүрлэх, ухаан балартах, хий үзэгдэл, харааны өөрчлөлт, салганах), хэт мэдрэгшлийн урвал (арьсны тууралт, гэрэлд мэдрэгших,  загатнах,  улайх, Стивенс Джонсоны хам шинж,  амьсгаадах, нүүр ба хүзүү хавагнах,  судас үрэвсэх), бөөрний завсрын эдийн үрэвсэл (шээс цустай, булингартай гарах, халуурах, тууралт, ба хөл ба шилбээр хавагнах)  орно.

 Маш ховор тохиолдолд гэрэлд хэт мэдрэгшил илэрсэн талаар мэдээлэгдсэн. Хуурамч мембрант бүдүүн гэдэсний үрэвсэл илэрсэн байна. Захын мэдрэлийн эмгэг тохиолдсон.