Хэрэглэх арга, тун:

Насанд хүрэгсэд: хоногт 3-4 хүлхмэл хэрэглэхийг зөвлөнө. Хүлхмэлийг 3-6 цагийн зайтай аажим шимж уусгах шаардлагатай.

6-12 насны хүүхэд: хоногт 3 хүлхмэл хэрэглэхийг зөвлөнө. Хүлхмэлийг 3-6 цагийн зайтай аажим шимж уусгах шаардлагатай.

6-аас доош насны хүүхэд: Септолете тотал бэлдмэлийг 6-аас доош насны хүүхдэд хэрэглэхгүй.

Бэлдмэлийн үйлдлийг сайжруулахын тулд бэлдмэлийг шүд угаахын өмнө болон хойно шууд хэрэглэхгүй. Зөвлөсөн тунг хэтрүүлж болохгүй.

Септолете тотал бэлдмэлийг 7 өдөр хүртэл хугацаагаар хэрэглэж болно.

Хэрэглэх заалт:

Септолете тотал хүлхмэл бэлдмэлийг хоолой, амны хөндий, буйл цочрох, буйлны үрэвсэл, залгиурын үрэвсэл, төвөнхийн үрэвсэл зэрэг эмгэгийн үед, мөн түүнчлэн насанд хүрэгсэд ба 6 -аас дээш насны хүүхдийн шүд авахын өмнө болон дараа үрэвслийн эсрэг, өвдөлт намдаах, үжилгүйжүүлэх эмчилгээний зорилгоор хэрэглэнэ.

Цээрлэлт:

Бэлдмэлийн найрлага дахь үйлчлэгч болон ямар нэгэн туслах бодист хэт мэдрэг хүмүүст хэрэглэхийг цээрлэнэ. 6-аас доош насны хүүхдэд хэрэглэхгүй. Учир нь 6-аас доош насны хүүхдэд уг эмийн хэлбэрийг хэрэглэхэд тохиромжгүй.

Гэрлээс хамгаалах зорилгоор үйлдвэрийн савлагаанд нь хадгална. Хадгалалтын тусгай температур шаардлагагүй. Хүүхэд хүрэхээргүй газар хадгална.

Онцгой анхааруулга.

Септолете тотал бэлдмэлийг 7 хоногоос удаан хугацаагаар хэрэглэхгүй. 3 хоногийн эмчилгээний дараа эмчилгээний илэрхий үр дүн илрэхгүй байвал эмчтэйгээ зөвлөнө. Хэсэг газрын эмчилгээнд зориулсан бэлдмэлийг ялангуяа удаан хугацаагаар хэрэглэхэд бэлдмэлд мэдрэг болж болзошгүй ба энэ тохиолдолд бэлдмэлийн эмчилгээг зогсоож тохирсон эмчилгээг эхлэх шаардлагатай. Септолете тотал бэлдмэлийг анионы нэгдэл болон анионы нэгдэл орсон бүтээгдэхүүнтэй (жишээ нь шүдний оо) хамт хэрэглэхгүй. Иймээс түүнийг шууд шүд угаахын өмнө болон дараа хэрэглэхгүй. Септолете тотал бэлдмэл изомальт (Е953) агуулдаг. Иймээс бэлдмэлийг ховор тохиолдох удамшлын шалтгаант фруктоз зохидоггүй хүмүүст хэрэглэхгүй.