Хэрэглэх арга, тун

Бэлдмэлийг өвдөлт намдаах зорилгоор 5-аас олон хоног, халуун бууруулах зорилгоор 3-аас олон хоног (эмч олгоогүй, хянаагүй үед) хэрэглэж болохгүй.

1 шахмалаар 4 цагийн зайтай  (хооллох үедээ эсвэл хоолны дараа) ууж хэрэглэнэ, өвдөлтийн хам шинжийн үед – 1-2шахмалыг: хоногийн дундаж тун – 3-4шахмал, хоногийн дээд тун – 8 шахмал байна.

Ээлж эмчилгээ: 3-5 хоногоос хэтрэхгүй.

Ходоод гэдэсний замын цочролыг багасгахын тулд шахмалыг сүү эсвэл шүлтлэг эрдэсжүүлсэн усаар даруулан ууна.

Хэрэглэх заалт

Бага болон дунд зэргийн өвдөлтийн хам шинж (төрөл бүрийн шалтгаантай): толгой өвдөх, мигрень, шүдний өвдөлт, мэдрэлийн өвдөлт, булчин, үе өвдөх, сарын тэмдгийн үеийн өвдөлт зэрэгт хэрэглэнэ.

Халууралтын хам шинж: амьсгалын замын цочмог өвчнүүд, ханиад томуу зэргийн үед хэрэглэнэ.

Хориглох заалт

Ходоод, дээд гэдэсний шархлаат өвчний сэдрэлийн үе шат

Ходоод, гэдэсний цус алдалт (өгүүлэмж бүхий)

Элэг, бөөрний үйл ажиллагаа иэлрхий алдагдсан, тулай

Цусархагшилт шүүдэст эмзэгшил, цусны бүлэгнэлт багассан

Цус алдалт дагалдсан мэс ажилбарууд

Жирэмсэн (I ба III гурван сар), хөхүүл

Глюкоз-6-фосфатдегидргеназын дутагдал

Глауком

Бэлдмэлийн найрлага дахь бодист хэт мэдрэг, ацетилсалицилын хүчилд үл тэвчилтэй, ацетилсалицилын хүчил, салицилат болон үрэвслийн эсрэг стеройд бус бусад эмээр өдөөгддөг гуурсан хоолойн багтраа, хамрын ургацаг

Хүүхэд (15 хүртэл насны хүүхдэд – вирүсээр үүсгэгдсэн өвчний суурин дээр биеийн хэм ихэссэн хүүхдэд Рейе-ийн хам шинж үүсэх эрсдэлтэй)

Цочромтгой байдал ихсэж, нойр өөрчлөгдөх

Зүрх судасны тогтолцооны органик өвчнүүд (зүрхний булчингийн цочмог шигдээс, судасны хатуурал г.м)

Цусны даралт ихсэх

Үүдэн венийн даралт ихсэлт

К аминдэмийн дутагдал зэргийн үед хэрэглэхийг цээрлэнэ.

Хүүхэд хүрэхээргүй газар, хуурай орчинд хадгална.   

Тусгай анхааруулга

15 хүртэлх насны хүүхдэд хэрэглэхэд Рейе-ийн хам шинж үүсэх өндөр эрсдэлтэй тул хэрэглэхгүй. Рейе-ийн хам шинж нь зогсолтгүй бөөлжилт, цочмог энцефалопати, элэг томрох зэргээр илэрнэ.

Ацетилсалицилын хүчил нь цус бүлэгнэлтийг удаашируулна. Хэрэв эмчлүүлэгч мэс засалд орох бол эмчдээ эм хэрэглэж байгаа тухайгаа урьдчилан мэдэгдэнэ.

Шээсний хүчил хуримтлалд өртөмхий эмчлүүлэгчдэд бэлдмэлийг хэрэглэхэд тулай өвчний сэдрэлтийг өдөөж болзошгүй.

Эм уух үедээ согтууруулах ундаанаас түтгэлзэх хэрэгтэй (ходоод гэдэснээс цус алдах, элэг хордох эрсдэл ихсэнэ)

Ацетилсалицилын хүчлийг жирэмсний I гурван сард хэрэглэвэл тератогенний нөлөөтэй, III гурван сард хэрэглэвэл төрөх үйл ажиллагааг удаашируулна.

Хөхний сүүгээр ялгарна, иймээс хөхүүл үед хэрэглэхийг цээрлэнэ.

Болгоомжлол

Бөөрний дутагдлын хөнгөн, дунд зэрэг, трансаминазын түвшин ихэссэн элэгний дутагдал, зөөлөн явцтай гипербилирубинеми (Жильберийн хам шинж, архины шалтгаант элэгний эмгэг), архаг архичин, эпилепси, клоник таталт бүхий уналт, өндөр настан, тулай зэргийн үед болгоомжтой хэрэглэнэ.