Линексийг яаж хэрэглэх вэ?

Доор дурьдсан бэлдмэлийн тун болон хэрэглэх хугацаа, зөв хэрэглэх зөвлөмжийг нарийн баримтална.

Зөв хэрэглэх зөвлөмж

·         Линекс нь хооллох үед ууж хэрэглэхээр зориулагдсан (сүүний хүчлийн бактерит үзүүлэх ходоодны хүчиллэг шүүсний сөрөг  нөлөөнөөс зайлсхийж) бэлдмэл.

·         Согтууруулах ундаа болон халуун ундаатай хамт хэрэглэж болохгүй.

·         Хэрэв хүүхэд бүрээсийг залгиж чадахгүй эсвэл боломжгүй байвал түүнийг онгойлгож доторх агууламжийг (нунтаг) нь халбаганд хийж түүнийг хүүхэд залгиж чадахуйц хэмжээний шингэнтэй хольж уулгана.

Тугналт ба хэрэглэх хугацаа

Хөхүүл болон 2 хүртэл насны хүүхэд: 1 бүрээсээр хоногт 3 удаа.

2-12 насны хүүхэд: 1-2 бүрээсээр хоногт 3 удаа.

12-с дээш насны хүүхэд ба насанд хүрэгсэд: 2 бүрээсээр хоногт 3 удаа.

Линексийг шинж тэмдэг хөнгөртөл хэрэглэж болно.

Хэрэв Линексийг 2 өдөр хэрэглэсний дараа суулгалт зогсохгүй байвал эмчид хандах хэрэгтэй.

Суугалтыг өөрөө эмчилж байгаа үеийн эхний бөгөөд хамгийн чухал арга хэмжээ нь алдсан шингэн болон электролитийг нөхөх юм.

Тун хэтэрсний улмаас илрэх нөлөө

Тун хэтэрсэн тохиолдолд гаж нөлөө илэрч болох бөгөөд эмч болон эм зүйчтэй зөвлөнө. Тун хэтэрсэн тохиолдлын талаарх мэдээлэл байдаггүй.

Бэлдмэлийг хэрэглэлгүй мартаж өнгөрөөх

Мартаж өнгөрөөсөн тунг нөхөхийн тулд тунг давхарлаж хэрэглэж болохгүй.

Бэлдмэлийг дараагийн эм хэрэглэх цагтаа хэрэглэх ба цаашдаа ердийн схемийн дагуу үргэлжлүүлнэ.

Линексийг дараах шалтгааны улмаас гэдэсний микрофлорын тэнцвэр алдагдаж суулгалт, гэдэс дүүрэлт,  хоол боловсруулах үйл ажиллагааны бусад хямрал илэрсэн үед барих болон урьдчилан сэргийлэх эмчилгээний зорилгоор хэрэглэдэг:

·         Хөхүүл болон түүнээс дээш насны хүүхэд, насанд хүрэгсдийн хоол боловсруулах замын бактерийн болон вирусын гаралтай халдвар (жишээ нь ротавирусын халдвар, аялагчдын суулгалт)

·         Өргөн хүрээний үйлдэлтэй антибиотик ба хими заслын эмийн эмчилгээ

·         Хэвлийн хөндий ба аарцгийн хөндийн эрхтний шарлага

Цээрлэлт

Бэлдмэлийн найрлага дахь үйлчлэгч болон туслах бодист хэт мэдрэг (харшил) хүмүүс

25°С-аас доош хэмд үйлдвэрийн савлагаанд нь хадгална.

Хүчинтэй хугацаа: 2 жил. Савлалтан дээр бичигдсэн хүчинтэй хугацаа дууссанаас хойш хэрэглэж болохгүй.

Онцгой анхааруулга ба болгоомжлол

Дараах тохиолдолд Линексийг хэрэглэхээс өмнө эмчтэйгээ зөвлөх хэрэгтэй.

·         Биеийн хэм 38°С-аас дээш ихсэх

·         Өтгөнд цус ба салс илрэх

·         Суулгалт 2-оос олон өдөр  үргэлжлэх

·         Усгүйжил болон биеийн жин багасах шинж дагалдсан хүнд явцтай суулгалт

·         Хэвлий орчим хүчтэй өвдөх шинж илэрсэн суулгалт

·         Архаг явцтай бусад өвчин (жишээ нь чихрийн шижин, зүрх судасны өвчин) эсвэл дархлаа хомсдлын байдал (жишээ нь ХДХВ-ын халдвар)

Илэрч болох гаж нөлөө

Линексийг хэрэглэх үед бусад эмийн бэлдмэлийн нэгэн адилаар гаж нөлөө илэрч болох боловч энэ нь хүн бүрт илэрдэггүй.

Сүүний хүчлийн бактерийг хэрэглэх үед гаж нөлөө маш ховор тохиолдолд илэрдэг (10000 өвчтөнд 1-с цөөн тохиолдоно). Хэт мэдрэгшлийн урвал илэрч болно.

Хэрэв ямар нэгэн гаж нөлөөний явц хүчжих эсвэл уг эм хэрэглэх зааварт тэмдэглэгдээгүй гаж нөлөө илэрвэл эмч ба эм зүйчтэй зөвлөнө.