Хэрэглэх арга, тун.

Бэлдмэлийг зөвхөн судсанд тарина.

Насанд хүрэгчдэд Аспаркам-Фармакыг 10-20мл тунг судсанд дуслаар аажим дусааж тарина (ампулыг ариутгасан 50-100мл0,9% натри хлоридын уусмал эсвэл 5% глюкозын уусмалд нэмнэ). Шаардлагатай тохиолдолд 4-6цагийн дараа тунг давтан хийж болно. Бэлдмэл хавсарсан эмчилгээнд тохиромжтой. Ээлж эмчилгээг эмч тогтооно. 

Хэрэглэх заалт.

Зүрхний архаг өвчний нэмэлт эмчилгээнд (зүрхний дутагдал, шигдээсийн дараах үед) , зүрхний хэм алдагдах, ялангуяа ховдлын бүх төрлийн хэм алдагдлын үед хэрэглэнэ.

Хуруувчин цэцгийн эмчилгээнд нэмж хэрэглэнэ.

Хадгалах хугацаа.2жил.

Хайрцаг дээрх хүчинтэй хугацаа хэтэрсэн тохиолдолд хэрэглэж болохгүй.

Хадгалах нөхцөл.

150С-200С хэмд, гэрэлгүй орчинд хадгална.

Хүүхэд хүрэхээргүй газар хадгана.

Тун хэтрэлт.

Хурдан тарих болон тун хэтрүүлсэнээс үүдэн гиперкалеми эсвэл гипермагниеми  үүснэ.

Гиперкалиемийн шинжүүд: бие сулрах, саажил, зүрхний булчингийн сэрэл дамжуулалт алдагдах, саа, зүрхний цохилт удааширах. Кали цусны сийвэнд өндөр түвшинд байх нь зүрхний үйл ажиллагааг дарангуйлж, хэм алдагдах эсвэл зүрх зогсосноор үхэлд хүргэнэ.

Гипермагниемийн шинжүүд: дотор муухайрах, бөөлжих, суулгах, нойрмоглох, цусны даралт буурах, бие сулрах, хэл ээдрэх, юм хоёрлож харагдах, орон зайн баримжаа алдагдах, толгой эргэх, зүрхний цохилт цөөрөх. Магни цусны сийвэнд өндөр түвшинтэй байх нь рефлекс буурах, мэдрэл-булчингийн хориг үүсэх, амьсгал дарангуйлагдах, зүрх зогсоход хүргэнэ.

Ийм тохиолдолд кальци глюконат эсвэл кальци хлоридийн 10% 10-40мл-ийг (тун хэтрэлтийн хүндийн зэргээс хамаарна)  амьсгал болон цусны эргэлт хэвийн болгох шинж тэмдгийн эмчилгээнд хэрэглэнэ.

Хүнд хэлбэрээр хордсон нөхцөлд авсан арга хэмжээ үр дүнгүй байвал гемодиализд оруулна.