Хэрэглэх арга, тун:

Хүүхдийн Тайлол®Хот бэлдмэлийг дараах байдлаар ууж хэрэглэнэ.

Жижиг уутанд агуулагдаж буй эмийн бэлдмэлийг 80мл (1/2 эзлэхүүн стандарт стакан) халуун бүлээн усанд уусгаад бүлээнээр нь ууж хэрэглэнэ.

Бэлдмэлийг 6 цагийн зайтай ууж хэрэглэх ба хоногт 4-с олон удаа хэрэглэхгүй.

Жижиг уутанд буй бэлдмэлийг стаканд бүрэн хийнэ.

Стаканыг халуун усаар дүүргэнэ.

2 удаа хутгана.

Шингэнийг дуустал нь ууна.

Хэрэглэх заалт:

Хүүхдийн Тайлол®Хот бэлдмэлийг ханиад томууны шинж тэмдгийн эмчилгээнд хэрэглэнэ.

Цээрлэлт:

Бэлдмэлийн найрлага дахь бүрэлдэхүүн хэсгүүдэд хэт мэдрэг хүмүүс, хүнд явцтай зүрх, бөөр, элэгний өвчтэй хүмүүс, түүнчлэн сүүлийн 2 долоо хоногийн хугацаанд буюу эсвэл бэлдмэлийг хэрэглэж буй үед МАО ферментийг хориглогч бэлдмэл хэрэглэж байгаа хүмүүс зэрэгт тус тус хэрэглэхийг цээрлэнэ.

15-30°С-ын харанхуй, хуурай,  хүүхэд хүрэхээргүй газар савлагаанд нь хадгална.

Элэг, бөөр, зүрх, уушгины өвчтэй хүмүүс, цус багадалттай өвчтөн бэлдмэлийг эмчийн хяналтан дор хэрэглэнэ.

Child-Pugh-ын ангиллаар С бүлэг бүхий элэгний дутагдалтай өвчтөн бэлдмэлийн тунг 50% хүртэл багасгаж хэрэглэнэ.

Хүүхдийн 5 өдрөөс олон хоног үргэлжилж буй өвдөлт болон 3 өдрөөс дээш үргэлжилж байгаа буюу эсвэл дахилтат 39,5°С-аас дээш халууралтын үед бэлдмэлийг эмчийн зөвшөөрөлгүйгээр хэрэглэж болохгүй.

Псевдоэфедрин нь артерийн даралт хэвийн хүмүүсд судас нарийсгах үйлдэл үзүүлдэггүй боловч  түүнийг артерийн даралт өндөр хүмүүст болгоомжтой хэрэглэнэ. Учир нь судас нарийсгах үйлдэл үзүүлж болзошгүй.

Артерийн даралт ихсэх өвчтэй, зүрхний дутагдалтай, чихрийн шижинтэй, бамбай булчирхайн дааврын үйл ажиллагааны ихсэлттэй (гипертиреодизм), багтраатай, нүдний даралт ихсэх өвчтэй хүмүүст Хүүхдийн Тайлол®Хот бэлдмэлийг болгоомжтой хэрэглэнэ. Даралт бууруулах эм, сэтгэл уналын эсрэг эм хэрэглэж байгаа өвчтөн Хүүхдийн Тайлол®Хот бэлдмэлийг хэрэглэхээсээ өмнө эмчээс зөвлөгөө авах шаардлагатай.

6-аас доош насны хүүхэд зөвхөн эмчийн хяналтанд хэрэглэнэ.