Хэрэглэх арга ба тун:

Хэсэг газарт хэрэглэнэ. Баллоны хамгаалах тагийг аван амны хөндийрүү 1-2 секундын турш цацруулагчийг даран цацдаг. Цацагдсан бэлдмэлийг амны хөндийн 5-7 минутын турш байлгах хэрэгтэй. Хоногт 3-4 удаа цацан хэрэглэж болох бөгөөд эм цацахын өмнө амын хөндийг буцалгасан усаар зайлж байх шаардлагатай. Цацруулагчийн нүх бөглөрхөөс зайлсхийхийн тулд хэрэглэсний дараа түүнийг стакантай цэвэр усанд орхих хэрэгтэй. Хэрэглэх үедээ баллоныг босоо байрлалд барьсан байх шаардлагатай.

Хэрэглэх заалт: Гүйлсэн булчирхайн үрэвсэл, зальгиур хоолойн үрэвсэл, түвэнхийн үрэвсэл, амны хөндийн шархлаат үрэвсэл.

Хориглох заалт: Бэлдмэлийн найрлаганд буй аль нэгэн бодист хэт мэдрэгшсэн өвчтөн болон 3 хүртэлх насны хүүдэд хэрэглэхгүй.

Жирэмсэн болон хөхүүл үеийн хэрэглээ: Эхэд ашигтай тал нь ураг болон нярайд үзүүлэх сөрөг эрсдлээсээ давуутай тохиолдолд эмчийн заавраар хэрэглэж болно.

30°С-с дээшгүй хэмд хадгална. Хүүхэд хүрэхгүй газарт хадгална.

Тусгай анхааруулга: Ингалипт бэлдмэлийг хүүхдэд зөвхөн эмчийн зөвлөснөөр хэрэглэж болно. Бэлдмэл нь жолоо барих болон машин, механизмтай ажиллах чадварт сөргөөр нөлөөлөх тухай мэдээлэл байхгүй байна.

Гаж нөлөө: харшлын урвалууд (арьсанд тууралт гарах, загатнах г.м.), түр зуур хорсох, хоолойд торох шинж илэрч болзошгүй. Гаж нөлөө илэрсэн тохиолдолд бэлдмэлийг хэрэглэхээ зогсоон эмчид хандах шаардлагтай. Ердийн бус гаж нөлөө илэрвэл эмчид хандан цаашид бэлдмэлийг хэрхэн хэрэглэх талаар зөвөлгөө авах шаардлагатай.

Тун хэтрэлт: Шинж тэмдэгүүд: бэлдмэлийн зарим хэсэг зальгигдсаны улмаас дотор муухайрах буюу бөөлжих шинж илэрч болзошгүй. Авах арга хэмжээ: өвөрмөц анитидот байхгүй, шинж тэмдгийн болон дэмжих эмчилгээ хийнэ.