Ибупрофен Денк 600 гэж юу вэ? Түүнийг юунд хэрэглэдэг вэ?

Ибупрофен Денк 600 нь үрэвслийн эсрэг, өвдөлт намдаах үйлдэлтэй [стеройд бус бүтэцтэй үрэвслийн эсрэг бэлдмэл/хэрх өвчний эсрэг бэлдмэл (СББҮЭБ) бэлдмэл]. Бэлдмэлийг дараах тохиолдолд үрэвсэл болон өвдөлтийн шинж тэмдгийн эмчилгээнд хэрэглэнэ. Үүнд:

-      Үений цочмог үрэвсэл (тулай өвчнийг оруулаад)

-      Үений архаг үрэвсэл ялангуяа хэрх төст үений үрэвсэл (олон үений архаг үрэвсэл)

-      Нурууны үений барьцалдаат үрэвсэл (Морбюс Бехтерей) болон нурууны бусад  үрэвсэлт өвчин

-      Нурууны эмгэг ба үе холбоосын сөнөрөлт эмгэгийн сэдрэл (артроз ба спондилоартроз)

-      Зөөлөн эдийн хэрх өвчин

-      Гэмтлийн дараах хөндүүрт хаван ба үрэвсэл.

3.    Ибупрофен Денк 600 бэлдмэлийг яаж хэрэглэх вэ?

Бэлдмэлийг эмчийн зааврыг нарийн баримтлан хэрэглэнэ. Хэрэв ойлгомжгүй зүйл байвал эмчлэгч эмч болон эм зүйчээс асууна.

Эмчөөрөөр  зөвлөөгүй болдараах тунгаар хэрэглэнэ:

Ибупрофены хэрэглэх тун биеийн жин ба наснаас хамаарна.

Насанд хүрэгсэд ба 15-аас дээш насны хүүхдэд хоногт 1200-2400мг (2-4 нимгэн бүрхүүлтэй шахмал) тунгаар хэрэглэнэ. Энэ нь ½-1 нимгэн бүрхүүлтэй шахмалын 2-4 өвөрмөц тунтай тохирно. Нэг удаагийн дээд тунг Ибупрофен Денк 600 бэлдмэлийн 1 ширхэг нимгэн бүрхүүлтэй шахмалаас хэтрүүлж болохгүй. Нимгэн бүрхүүлтэй шахмалыг хүн бүрийн онцлогт тохируулан хоёр тэнцүү хэсэгт хувааж болно.

Хэрэглэх хугацаа ба хэлбэр:

Бэлдмэлийг их хэмжээний усаар даруулан залгиж уух ба өлөн үед ууж болохгүй. Хэрэв таны ходоод хэт мэдрэг бол бэлдмэлийг хоолтой хамт хэрэглэх нь зүйтэй.

Хэрх өвчтэй хүнд бэлдмэлийг удаан хугацаагаар хэрэглэх шаардлагатай байж болно. Эмчлэгч эмч бэлдмэлийг хэр удаан хугацаагаар хэрэглэхийг шийднэ.

Ибупрофен Денк 600 бэлдмэлийг үргэлж эмчийн зааврыг нарийн баримтлан, уг эм хэрэглэх зааварт бичсэн тунгийн дагуу хэрэглэнэ. Хэрэв энэ тунгаар хэрэглэхэд өвдөлт хангалттай намдахгүй байгаа мэт санагдвал өөрөө дур мэдэн тунг ихэсгэж болохгүй, харин эмчдээ хэлээрэй.

25°С-с доош хэмд хадгална. Цаасан хайрцган дээрх хүчинтэй хугацаа дууссанаас хойш бэлдмэлийг хэрэглэхгүй. Бэлдмэлийгхүүхэдүзэжхүрэхээргүйгазархадгална.

Дараах тохиолдолд бэлдмэлийг хэрэглэхийг цээрлэнэ.

-      Үйлчлэгч бодис болох ибупрофен ба бэлдмэлийн найрлага дахь бусад туслах бодисуудад харшилтай (хэт мэдрэг) хүмүүс

-      Ацетилсалицилын хүчил болон бусад стероид бус бүтэцтэй үрэвслийн эсрэг бэлдмэлийн эмчилгээнд гуурсан хоолойн багтрааны өвчин хөдлөл, хамрын үрэвсэл ба арьсны урвал илэрч байсан өгүүлэмжтэй хүмүүс

-      Тодорхой бус шалтгаантай цус төлжилтийн дутагдал

-      Өмнө нь ходоод ба 12 хуруу гэдэсний дахилтат шархлаа (идэгдмэл шархлаа) болон цус алдалтаарөвдөж байсан өгүүлэмжтэй, эсвэл одоо илэрч байгаа (батлагдсан шархлаа ба цус алдалтын 2 ба түүнээс олон өөр тохиолдол)

-      Өмнө нь стеройд бус бүтэцтэй үрэвслийн эсрэг бэлдмэл/хэрх өвчний эсрэг бэлдмэл хэрэглэсэнтэй холбоотойгоор хоол боловсруулах замын цус алдалт болон цооролт үүсч байсан өгүүлэмжтэй хүмүүс

-      Тархины цус харвалт (тархины судасны цус алдалт) ба бусад идэвхтэй цус алдалт

-      Хүнд явцтай элэг ба бөөрний үйл ажиллагааны алдагдал

-      Хүнд хэлбэрийн зүрхний дутагдал

-      Жирэмсний 3 дахь гурван сар

-      15-аас доош насны хүүхэд.

Ибупрофен Денк 600 нимгэн бүрхүүлтэй шахмалыг зөвхөн тодорхой нөхцөлд (эмчийн хяналтанд удаан хугацааны завсарлагатай буюу бага тунгаар) онцгой анхаарч болгоомжтой хэрэглэх талаарх мэдээллийг дараах хэсэгт бичсэн болно. Үүний талаар эмчээсээ асуугаарай. Хэрэв эдгээр онцгой анхааруулга өмнө нь танд хэрэглэхэд тохиромжтой байсан бол үүнийг мөн хэрэглэнэ.