Насанд хүрэгчдэд

Энгийн херпес вирүсийн халдвар:

Нэг удаагийн тун 1 шахмал (200 мг ацикловир)-ыг хоногт 5 удаа 4 цагийн зайтай, хэрэглэнэ.

Хүнд хэлбэрээс урьдчилан сэргийлэх ба бэлэг эрхтэний олон дахилтат энгийн херпес вирүсийн халдвар: Дархлааны талаас эрүүл өвчтөнд нэг удаагийн тун нь 1 шахмал (200 мг ацикловир)-ыг 6 цагийн зайтай, хоногт 4 удаа хэрэглэнэ. Урьдчилан сэргийлэх зорилгоор тухайн тохиолдолд тохируулан 1 шахмал (200 мг ацикловир)-ыг 8 цагийн зайтай, хоногт 3 удаа эсвэл 1 шахмал (200 мг ацикловир)-ыг 12 цагийн зайтай, хоногт 2 удаа хэрэглэнэ.

Дархлаа дарангуйлагдсан өвчтөнд урьдчилан сэргиийлэх зорилгоор нэг удаагийн тун 1 шахмал (200 мг ацикловир)-ыг 6 цагийн зайтай, хоногт 4 удаа хэрэглэнэ. 

Эрхтэн шилжүүлэн суулгах хагалгаа хийлгэсэн зэрэг дархлаа ихээр дарангуйлагдсан өвчтөнд нэг удаагийн тун 2 шахмал (400 мг ацикловир) 6 цагийн зайтай, хоногт 4 удаа хэрэглэнэ.

Хүүхэд ба өсвөр насныхны хэрэглээ

Энгийн херпес вирүсийн халдварын эмчилгээнд 2-с дээш настай хүүхдэд насанд хүрэгчдийн тунгаар, 2-с доош настай  хүүхдэд насанд хүрэгчдийн тунгийн талаар хэрэглэнэ.

Бөөрний үйл ажиллагааны өөрчлөлттэй өвчтөний хэрэглээ

(Ацикловир Денк 200 бэлдмэлийн хэрэглээнд тусгайлан анхаарах  гэсэн  хэсгийг үзнэ үү).

Зонхилон өндөр настай өвчтөнд тохиолддог бөөрний үйл ажиллагааны алдагдлын үед  ацикловирыг бага тунгаар хэрэглэх нь зүйтэй. Эмч бэлдмэлийн тунг тогтоохдоо бөөрний үйл ажиллагааны үзүүлэлтийг  харгалзана.

Ацикловир Денк 200 бэлдмэл гэж юу вэ? Түүнийг юунд хэрэглэдэг вэ?

Ацикловир Денк 200 нь энгийн херпес вирүсээр (ЭХВ) үүсгэгдсэн арьс ба салст бүрхүүл, бэлэг эрхтэний дахилтат херпесийн халдварын (нярайн ЭХВ-ийн халдвар ба дархлаа дарангуйлагдсан хүүхдийн ЭХВ-ийн хүнд хэлбэрийн халдвар үүнд хамаарахгүй) эмчилгээнд хэрэглэх бэлдмэл.

Хуурай сэрүүн, хүүхэд хүрэхгүй газар хадгална. 

Анхааруулга ба болгоомжлол

Доорх тохиолдолд Ацикловир Денк 200 бэлдмэлийг хэрэглэхийн өмнө эмч, эм зүйчид мэдэгдэнэ үү. 

Ацикловир Денк 200 бэлдмэлийг дараах тохиолдолд онцгой болгоомжтой хэрэглэнэ үү. Үүнд:

·         хэрэв бөөрний үйл ажиллагааны алдагдалтай бол тунг тохируулах шаардлагатай. Өндөр настанд бөөрний үйл ажиллагаа алдагдсан байдаг. Иймд эмч таны бөөрний үйл ажиллагааг тогтмол хянана.

·         хэрэв та бөөрний үйл ажиллагааны өөрчлөлттэй, шээсний гарц буурсан бол Ацикловир Денк 200 бэлдмэлийг халдвараас урьдчилан сэргийлэх зорилгоор хэрэглэхгүй.

·         хэрэв та Ацикловир Денк 200 бэлдмэлийг өндөр тунгаар хэрэглэж буй бол хангалттай хэмжээгээр шингэн уух шаардлагатай.

·         хэрэв та дархлааны хүнд хэлбэрийн эмгэг зэрэг болно.