Грипоблок Хот Дринк  бэлдмэлийг яаж хэрэглэх вэ?

Грипоблок  Хот Дринкыг уг эм хэрэглэх зааврыг нарийн баримтлан хэрэглэнэ. Хэрэв таньд ойлгомжгүй зүйл гарвал эмчлэгч эмч болон эм зүйчид хандаж шалгаарай.

Ердийн тун:

Насанд хүрэгсэд ба 12-с дээш  насны хүүхэд:

1 уут бэлдмэлийг 5-6 цагийн зайтай хоногт 3-4 удаа хэрэглэнэ. Бэлдмэлийг 4 цагаас бага зайтай хэрэглэж болохгүй. Хоногт 4 уутаас (3г парацетамол) их хэмжээгээр хэрэглэхгүй.

12-аас доош насны хүүхэд:

Бэлдмэлийг 12-оос доош насны хүүхдэд хэрэглэхгүй

Бөөрний дутагдалтай өвчтөн:

Эм хэрэглэх хоорондын зай нь 8 цагаас багагүй байна.

Хэрэглэх арга:

Уутанд буй агууламжийг хангалттай хэмжээний халуун усанд уусгаж нэг төрлийн уусмал болтол сайтар хутгана.

Хэрэв та Грипоблок Хот Дринк бэлдмэлийн тунг хэтрүүлж хэрэглэсэн бол:

Насанд хүрэгсдэд хордлогын тохиолдол ажиглагдсан ба хүүхдэд илүү олон тохиолдсон. Зарим нь маш хүнд явцтай байсан. Энэ нь зөвлөсөн тунгаас өндөр тунгаар хэрэглэх үед, түүнчлэн болгоомжгүй хэрэглэсэн үед тохиолдоно.

Тун хэтэрсэн үед дотор муухайрах, бөөлжих, цонхийж цайх, хэвлийгээр өвдөх,  хөлрөх, нойрмоглох зэрэг шинж ихэвчлэн тунг хэрэглэснээс хойш эхний 24 цагийн дотор илэрнэ.

Парацетамолыг 10г-аас их тунгаар хэрэглэх үед элэгний дутагдал ба ухаан алдах шинж бүхий хүнд явцтай элэгний эмгэг зонхилон тохиолдоно. Фенилэфринийг өндөр тунгаар хэрэглэх үед зүрхний үйл ажиллагаа идэвхжиж цусны даралт ихсэнэ.

Хэрэв та ердийн тунгаас их тунгаар хэрэглэсэн буюу эсвэл хордлогын шинж илэрсэн тохиолдолд яаралтай эмчлэгч эмчдээ хандаарай.

Хэрэв та бэлдмэлийг хэрэглэлгүй мартаж өнгөрөөсөн бол:

Мартаж өнгөрөөсөн тунг нөхөх зорилгоор бэлдмэлийг давхарлаж хэрэглэж болохгүй. Дараагийн эм хэрэглэх цагтаа бэлдмэлийг үргэлжлүүлэн хэрэглэнэ.

Грипоблок Хот Дринк  нь парацетамол, фенилэфрин, аскорбины хүчил (витамин С) агуулсан нийлмэл найрлагатай бэлдмэл.

Парацетамол нь өвдөлт намдаах, халуун бууруулах үйлдэл үзүүлнэ. Өндөр тунгаар хэрэглэх үед түүнчлэн үрэвслийн эсрэг үйлдэл илэрнэ.

Фенилэфрин нь цусны судсыг нарийсган цусаар дүүрэхийг нь багасгадаг. Уг үйлдлийн дүнд хамрын шүүрэл багасан салст бүрхүүлийн хаван буурч амьсгалахад хүндрэлтэй болох шинж болон ханиад шуухинааны үед илрэх бусад шинж сайжирна.

Аскорбины хүчил нь бие махбодын ерөнхий байдлыг сайжруулах ба биеийн эсэргүүцлийг ихэсгэх бөгөөд антиоксидант үйлдэл үзүүлнэ.

Грипоблок Хот Дринкыг ханиад томуу болон вирусын гаралтай өвчний үед илрэх толгой өвдөх, хоолой өвдөх, халуурах, хамраас нус гоожих, найтайлгах,  ядарч сульдах,  булчин өвдөх шинжийн богино хугацааны эмчилгээнд хэрэглэнэ. 

25°C-аас доош хэмд хадгална.

Хүүхэд үзэж хүрэхээргүй газар хадгална.

Уутан дээрх хүчинтэй хугацаа дууссанаас хойш бэлдмэлийг хэрэглэхгүй. Хүчинтэй хугацаа нь тухайн сарын сүүлийн өдөр хүртэл үргэлжилнэ.

Бэлдмэлийн гадаад төрх байдал өөрчлөгдсөн бол түүнийг хэрэглэхгүй.

Бэлдмэлийг ахуйн хог болон бохирын усанд хаяж болохгүй. Цаашид хэрэглэгдэхгүй болсон бэлдмэлийг хэрхэн хаяж устгах талаар эм зүйчээс асууна. Энэ нь хүрээлэн буй орчноо хамгаалахад тусална.

Бэлдмэлийг дараах тохиолдолд хэрэглэхийг цээрлэнэ.

·         Грипоблок Хот Дринк  бэлдмэлийн найрлага дахь үйлчлэгч болон бусад туслах бодист хэт мэдрэг хүмүүс

·         Элэгний өвчин, ялангуяа элэгний дутагдал

·         Цусны даралт ихсэх эмгэг

·         Бамбай булчирхайн хэт идэвхжил

·         МАО ферментийг саатуулагч бүлгийн эмийн бэлдмэлээр эмчлэгдэж байгаа хүмүүс

Бэлдмэлийг 12-аас доош насны хүүхдэд хэрэглэхгүй.

Жирэмсэн ба хөхүүл үеийн хэрэглээ:

Ямар нэгэн эмийн бэлдмэл хэрэглэхээсээ өмнө эмчлэгч эмч ба эм зүйчээс асууна.

Жирэмсэн үе:

Грипоблок  Хот Дринкын найрлага дахь үйлчлэгч бодис нь түүнийг зөвлөсөн тун болон хугацаагаар хэрэглэхэд ураг болон нярай хүүхдэд ямар нөгөө сөрөг нөлөө үзүүлдэг талаар мэдээлэл байдаггүй.

Жирэмсэн үед эмч уг бэлдмэлийн ураг болон нярай хүүхдэд үзүүлэх эрсдлийг үнэлсний дараа эмчийн зөвшөөрлөөр эмчилгээний тунгаар хэрэглэж болно.

Хөхүүл үе:

Бэлдмэлийн найрлага дахь үйлчлэгч бодис нь хүний хөхний сүүтэй ялгардаг.

Хөхүүл үед эмч уг бэлдмэлийн хөхүүл хүүхдэд үзүүлэх эрсдлийг үнэлсний дараа эмчийн зөвшөөрлөөр хэрэглэж болно.

Жолоо барих болон машин механизмтай ажиллах чадварт бэлдмэлийн үзүүлэх нөлөө:

Жолоо барих болон машин механизмтай ажиллах чадварт сөрөг нөлөө үзүүлдэг талаар мэдээлэл байдаггүй.

Фенилаланины эх үүсвэр агуулдаг учир фенилкетонуритай өвчтөнд аюултай байж болно.