Тун, хэрэглэх арга болон хугацаа:

Эмч өөрөө заагаагүй бол дараах журмыг баримтлан хэрэглэнэ.

DICLO-DENK 100 RETARD-г  ямар хэмжээгээр хэрхэн хэрэглэх вэ?

Өвчний хүнд хөнгөний зэргээс хамааруулан тунг сонгоно. Насанд хүрсэн хүнд дунджаар хоногт 50-150 мг диклофенак натрийг хэрэглэнэ. Эмч өөрөөр заагаагүй бол насанд хүрэгсэд өдөрт нэг шахмалыг л уудаг.

Хэрэв өвчтөнд хоногт 150мг хүртэл тун шаардлагатай бол 25-50мг тунтай диклофенак натрийн ердийн бүрхүүлтэй шахмалыг нэмэгдэл болгон хэрэглэж болно.

DICLO-DENK 100 RETARD-г  ямар хугацаагаар, яаж хэрэглэх вэ?

DICLO-DENK 100 RETARD-г тохиромжтой хэмжээний шингэнээр даруулан ууна. Гэхдээ өлөн үедээ ууж болохгүй. Өвчтөний ходоод цочромтгой тохиолдолд DICLO-DENK 100 RETARD-г  хоолтой хамт хэрэглэдэг. Хэдий удаан хугацаагаар хэрэглэхийг эмч шийднэ. Хэрлэг төст өвчнүүдийн үед DICLO-DENK 100 RETARD-г удаан хугацаагаар хэрэглэх шаардлагатай.

Тун хэтрэх болон буруу хэрэглэх:

DICLO-DENK 100 RETARD-г  эмчийн заавраар буюу хавсаргасан зааварт заасан тунгаар хэрэглэнэ. Түүнийг хэрэглэхэд өвдөлт сайтар намдахгүй бол тунг ихэсгэх хэрэггүй, харин эмчийн зөвөлгөө аваарай. Хэрэв уухаа мартсан бол дараа нь түүнийг ердийн тунгаас нь хэтрүүлэлгүйгээр хэрэглэнэ.

DICLO-DENK 100 RETARD-г  хэт их тунгаар хэрэглэсэн бол яах вэ?

Тунг хэтрүүлсэн тохиолдолд мэдрэлийн системийн талаас толгой өвдөх, толгой эргэх, ухаан алдах, хүүхдэд бол миоклоник таталт үүсч болно. Мөн ходоод өвдөх, огих, бөөлжих шинж үүсч болно. Ходоод гэдэсний замаас цус алдах болон элэг, бөөрний үйл ажиллагаа өөрчлөгдөж болно. Өвөрмөц антидот байхгүй. Тунг хэтрүүлэн хэрэглэсэн бол эмчдээ хандаарай. Хүнд, хөнгөний хэмжээнээс хамааруулан ямар арга хэмжээ авахыг эмч шийднэ.

Гаж нөлөө:

Хэрэглэх заалт:

DICLO-DENK 100 RETARD нь стероид бус бүтэцтэй өвдөлт намдаах ба үрэвслийн эсрэг нөлөөт эмийн бүлэгт хамаарагдана. Түүнийг хүнд хэлбэрийн цочмог өвдөлтийн эмчилгээнд хэрэглэдэг. Үүнд:

§  Үений цочмог үрэвслүүд(артритууд) болон тулайн цочмог хөдлөл

§  Үений архаг үрэвслүүд(архаг артритууд), ялангуяа олон үе хамарсан тохиолдолд (архаг полиартритууд/ревматоид артрит)

§  Бехтеревийн өвчин(анкилозот спондилит) болон нурууны ревматоид үрэвсэлт эмгэгүүд

§  Нуруу болон үе мөчний бүтэцийн өөрчлөлт бүхий цочмог үрэвслүүд (артроз ба спондилартроз)

§  Зөөлөн эдийн хэрлэг

§  Гэмтлийн дараах үрэвсэл, хаван ихтэй өвдөлт

Энэ хэлбэрийн савлалтын үед үйлдлийн идэвхи аажуу эхэлдэг. Иймээс түүнийг үйлдэл түргэн эхлэх шаардлагатай нөхцөлд эхэлж хэрэглэдэггүй.

Хадгалалт:

25°С-с доош хуурай, гэрлээс хамгаалсан нөхцөлд хадгална.

Хадгалах хугацаа хэтэрсэн тохиолдолд хэрэглэж болохгүй.

Хүүхэд хүрэхгүй газар хадгална.

ДИКЛО-ДЕНК 100 РЕТАРД-г  амьсгалын замын архаг бөглөрөлт өвчин(багтраа г.м.), хамрын салстын хавагналтай(хамрын полип), өндөх халуунтай, амьсгалын замын халдварууд болон стероид бус бүтэцтэй үрэвслийн эсрэг нөлөөт ба өвдөлт намдаах эмэнд урьд нь мэдрэгшсэн тохиолдлуудад эмчийн нарийн хяналтын дор ихээхэн болгоомжтойгоор хэрэглэнэ. Дээрхи хүмүүст голчлон цусны даралт(харшлын гаралтай) ихсэх броннхийн багтраа хөдлөх(өвдөлт намдаах эмийн багтраа) арьс салст хавагнах(Квинкийн хаван) чонон хөрвөс илэрдэг. Хэрвээ цус бүлэгнэлт саатуулах болон цусны сахар бууруулах эмүүдтэй хамт хэрэглэж байгаа бол цусны бүлэгнэлт болон сахарын хэмжээг байнга хянаж байх хэрэгтэй. Учир нь диклофенак нь цусны бүлэгнэлтийг саатуулах нөлөөтэй. Ялангуяа цус бүлэгнэлтийн эмгэгтэй өвчтөнийг нарийн хянах шаардлагатай. Түүнийг литийн бүтээгдэхүүнүүд(сэтгэцийн эмгэгүүдийг эмчлэх эмүүд) болон усгүйжүүлэх эмүүдтэй(кали баригч шээс хөөх эм) хамт хэрэглэж байгаа тохиолдолд цусан дахь лити болон калийн хэмжээг хянах шаардлагатай. DICLO-DENK 100 RETARD-г удаан хугацаагаар хэрэглэж байгаа үед элэг бөөрний үйл ажиллагаа болон цусны үзүүлэлтийг шинжилгээгээр үе үе хянаж байх хэрэгтэй. DICLO-DENK 100 RETARD-г мэс заслын өмнө хэрэглэж байсан бол эмчдээ энэ тухай мэдэгдэх хэрэгтэй.