Денк-Эйр 10мг бэлдмэлийг яаж хэрэглэх вэ?

Эмчийн зөвлөсний дагуу Денк-Эйр 10мг бэлдмэлийн зөвхөн нэг шахмалыг өдөрт нэг удаа хэрэглэнэ.

Нэмэлт шинж тэмдэг илрээгүй үед ч бэлдмэлийг үргэлжлүүлэн хэрэглэнэ.

Гуурсан хоолойн багтрааны цочмог өвчин хөдлөл илэрсэн тохиолдолд эмчилгээг зогсоож болохгүй.

Денк-Эйр 10мг бэлдмэлийг үргэлж эмчийн зааврын дагуу хэрэглэнэ. Хэрэв ойлгомжгүй зүйл байвал эмчлэгч эмч болон эм зүйчээс асуугаарай.

Бэлдмэлийг ууж хэрэглэнэ.

15-аас дээш насны өсвөр насныхан болон насанд хүрэгсдэд хэрэглэх нь:

10мг нимгэн бүрхүүлтэй шахмалыг 1 ширхгээр өдөр бүр оройн цагаар хэрэглэнэ. Денк-Эйр 10мг бүрхүүлтэй шахмалыг хоолноос хамаарахгүй хэрэглэнэ.

Хэрэв та Денк-Эйр 10мг бэлдмэлийг хэрэглэж байгаа тохиолдолд ижил үйлчлэгч бодис болох монтелукаст агуулсан ямар нэгэн өөр эмийн бэлдмэл хэрэглэж болохгүй.

Денк-Эйр 10мг бэлдмэлийн тун хэтэрсэн тохиолдолд:

Нэн даруй эмчлэгч эмчид мэдэгдэж зөвлөгөө аваарай.

Бэлдмэлийн тун хэтэрсэн дийлэнх тохиолдолд гаж нөлөө илэрсэн талаарх мэдээлэл байдаггүй.

Насанд хүрэгсэд ба хүүхдэд бэлдмэлийн тун хэтэрсэн үед хэвлийгээр өвдөх, нойрмоглох, ам цангах, толгой өвдөх, бөөлжих, хөдөлгөөний идэвх хэт ихсэх зэрэг шинж тэмдэг хамгийн олон давтамжтай илэрсэн байна.

Денк-Эйр 10мг бэлдмэлийг хэрэглэлгүй мартаж өнгөрөөсөн бол:

Денк-Эйр 10мг бэлдмэлийг эмчийн бичсэн зааврын дагуу хэрэглэнэ. Хэрэв та бэлдмэлийн тунг хэрэглэхээ мартаж өнгөрөөсөн бол 1 ширхэг шахмалыг өдөрт 1 удаа  үргэлжлүүлэн хэрэглэнэ. Мартаж өнгөрөөсөн тунг нөхөхийн тулд давхарлаж хэрэглэж болохгүй.

Денк-Эйр 10мг бэлдмэлийн эмчилгээг зогсоох:

Денк-Эйр 10мг бэлдмэлийг зөвхөн үргэлжлүүлэн хэрэглэж байгаа тохиолдолд уг бэлдмэл гуурсан хоолойн багтрааг эмчилж чадна. Денк-Эйр 10мг бэлдмэлийг эмчийн бичсэн хугацаагаар хэрэглэх нь чухал. Ингэснээр гуурсан хоолойн багтрааг хянахад тусална.

Хэрэв бэлдмэлийг хэрэглэхтэй холбоотой ямар нэгэн нэмэлт асуулт байвал эмчлэгч эмч ба эм зүйчээс асуугаарай.

Денк-Эйр 10мг бэлдмэлийг хоол хүнсний зүйлтэй хамт хэрэглэх нь:

Денк-Эйр 10мг шахмалыг хооллохоос хамаарахгүйгээр хэрэглэнэ.

Жирэмсэн ба хөхүүл үеийн хэрэглээ:

Хэрэв та жирэмсэн ба хөхүүл, жирэмсэн байж болзошгүй гэж бодож байгаа,  жирэмслэхээр төлөвлөж байгаа бол  уг бэлдмэлийг хэрэглэж эхлэхийн өмнө эмчлэгч эмч болон эм зүйчтэйгээ зөвлөөрэй.

Жирэмсэн үеийн хэрэглээ:

Жирэмсэн болон жирэмслэхээр төлөвлөж байгаа эмэгтэйчүүд монтелукастыг хэрэглэхийн өмнө  эмчлэгч эмчтэйгээ зөвлөх хэрэгтэй. Эмчлэгч эмч энэ хугацаанд монтелукастыг хэрэглэж болох эсэхийг шийдн

Хөхүүл үеийн хэрэглээ:

Монтелукаст хөхний сүүгээр ялгардаг эсэх нь тодорхойгүй байна. Хэрэв та хөхүүл эсвэл хүүхдээ хөхөөр хооллохоор төлөвлөж байгаа бол монтелукастыг хэрэглэхийн өмнө эмчтэйгээ зөвлөөрэй.

Денк-Эйр 10мг гэж юу вэ? Түүнийг юунд хэрэглэдэг вэ?

Денк-Эйр 10мг бэлдмэл нь үрэвслийн тодорхой медиаторуудын (лейкотриен) холбогдолтыг хориглодог. Лейкотриенүүд нь уушгин дахь агаар дамжуулах замыг нарийсгаж хавагнуулах ба мөн харшлын шинжийн шалтгаан болдог..

Денк-Эйр 10мг бэлдмэл лейкотриенийг хориглосноор гуурсан хоолойн багтрааны шинж тэмдгийг багасгах ба гуурсан хоолойн багтрааг хянахад тусална. Түүнчлэн улирлын хамааралт харшлын шинж тэмдгийг (улирлын хамааралт харшлын гаралтай хамрын салст бүрхүүлийн үрэвсэл, өвсний халуурал) багасгана.

Эмчлэгч эмч таньд Денк-Эйр 10мг бэлдмэлийг өдөр болон шөнө илрэх гуурсан хоолойн багтрааны шинж тэмдгээс урьдчилан сэргийлэх зорилгоор хэрэглэхийг зөвлөнө.

Денк-Эйр 10мг бэлдмэлийг багтрааны шинж тэмдэг өмнөх хэрэглэсэн эмэнд хангалттай хянагдахгүй байгаа үед болон мөн нэмэлт эмчилгээ хийх шаардлагатай өвчтөнд хэрэглэнэ.

Денк-Эйр 10мг бэлдмэл нь биеийн хүчний ачааллын улмаас амьсгалын зам нарийсахаас сэргийлэхэд тусална.

Денк-Эйр 10мг бэлдмэл нь түүнчлэн гуурсан хоолойн багтрааны эмчилгээнд уг бэлдмэлийг хэрэглэж байгаа өвчтөний улирлын хамааралт харшлын шинж тэмдгийг багасгадаг.

Эмчлэгч эмч гуурсан хоолойн багтрааны шинж тэмдэг ба хүндийн зэргээс хамаарч Денк-Эйр 10мг бэлдмэлийг хэрхэн хэрэглэхийг шийднэ.

30градусаас дээшгүй хэмд гэрлээс хол хүүхдийн гар хүрэхгүй газарт хадгална. 

Анхааруулга ба болгоомжлол

Денк-Эйр 10мг бэлдмэлийг хэрэглэхийн өмнө эмч ба эм зүйчдээ мэдэгдээрэй.

Хэрэв таны гуурсан хоолойн багтраа болон амьсгал улам муудвал яаралтай эмчид мэдэгдэнэ.

Денк-Эйр 10мг бэлдмэлийг гуурсан хоолойн багтрааны цочмог өвчин хөдлөлийн үед хэрэглэхгүй. Хэрэв өвчин хөдлөл илэрвэл эмчлэгч эмчийн зөвлөсөн зааврыг дагаарай. Гуурсан хоолойн багтрааны өвчин хөдлөлд зориулсан ингаляцаар хэрэглэж амь нас аврах бэлдмэлийг үргэлж авч явна.

Эмчлэгч эмчийн бичсэн гуурсан хоолойн багтрааны эсрэг бүх эмийг авах нь маш чухал. Эмчлэгч эмчийн бичсэн гуурсан хоолойн багтрааны эсрэг бусад эмийг Денк-Эйр 10мг бэлдмэлээр орлуулж хэрэглэж болохгүй.

Гуурсан хоолойн багтрааны эсрэг эмийн бэлдмэл хэрэглэж байгаа өвчтөнд томуу төст эмгэг, хөл гар чимчигнэж бадайрах, амьсгалын замын шинж тэмдэг дордох, тууралт гарах зэрэг шинж тэмдэг хавсарч илэрвэл эмчтэйгээ зөвлөөрэй.

Хэрэв дараах бэлдмэл таны хүүхдийн гуурсан хоолойн багтрааг сэдрээж байгаа нь тогтоогдсон бол үйлчлэгч бодис болох ацетилсалицилын хүчил (тухайлбал худалдааны нэр нь Аспирин) болон өвдөлт ба үрэвслийн эмчилгээнд хэрэглэдэг зарим бэлдмэлийг (стероид бус бүтэцтэй хэрэхийн эсрэг бэлдмэл) хэрэглэхийг цээрлэнэ.