Бэлдмэлийг эмчлэгч эмчийн зааврыг нарийн баримтлан хэрэглэнэ. Хэрэв ойлгомжгүй зүйл байвал эмчлэгч эмч болон эм зүйчээс дахин лавлана уу.

Бүрээстэй бэлдмэлийг бүтнээр нь аяга усаар даруулж ууна.

Насанд хүрэгчдэд:

Нэг удаагийн тун 150 мг

Бөөрний үйл ажиллагааны өөрчлөлттэй өвчтөний хэрэглээ:

Насанд хүрэгчдийн дундаж тунгаар хэрэглэнэ.

Хүүхдийн хэрэглээ:

Хэдийгээр уг бэлдмэл нь насанд хүрэгчдэд зориулагдсан боловчэмчилгээ зайлшгүй шаардлагатай болон бусад эмчилгээ тохиромжгүй үед өсвөр насныханд (12-17 насныхан) хэрэглэж болох ба энэ үед насанд хүрэгчдэд хэрэглэдэгтэй адил хэрэглэнэ.

Настаны хэрэглээ:

Насанд хүрэгчдийн дундаж тунгаар хэрэглэнэ.

Хэрэв Флукона-Денк 150 бэлдмэлийн тунг хэтрүүлсэн тохиолдолд: 

Бүрээс хэлбэррийн эмийг нэг удаа хэт их тунгаар хэрэглэсний улмаас танд сөрөг нөлөө илэрч болно. Энэ тохиолдолд эмчдээ болон ойролцоох эмнэлэгт хандана уу.

Тун хэтэрсэн тохиолдолд сонсох, харах, мэдрэхүйн зүгээс шинж илэрч болзошгүй бөгөөд хийсвэр бодол (хий юм үзэгдэх, зан төрх өөрчлөгдөх) төрж болно.

Тохирсон шинж тэмдгийн эмчилгээ (шаардлагатай үед ходоод угаах болон дэмжих эмчилгээ) хийж болно.

Флукона-Денк 150  бэлдмэлийг хоол хүнсний зүйлтэй хамт хэрэглэх нь

Бэлдмэлийгхоолтой болон хоолноос хамааралгүй хэрэглэнэ.

ХэрэвФлукона-Денк 150 бэлдмэлийг хэрэглэхээ мартсан тохиолдолд

Хэрэв та эм хэрэглэх цагтаа бэлдмэлийг хэрэглэхээ мартаж өнгөрөөсөн бол санасан даруйдаа хэрэглэнэ. Мартаж өнгөрөөсөн тунг нөхөхийн тулд бэлдмэлийн давхарлаж хэрэглэж болохгүй.

Бэлдмэлийг хэрэглэхтэй холбоотой нэмэлт асуулт гарвал эмчлэгч эмч ба эм зүйчээс лавлана уу.

Жирэмсэн,хөхүүл үеийн хэрэглээ ба нөхөн үржихүйд нөлөөлөх

Хэрэв та жирэмсэн, хөхүүл, жирэмсэн байж болзошгүй, жирэмслэхээр төлөвлөж байгаа бол бэлдмэл хэрэглэхийн өмнө эмчлэгч эмч, эм зүйчтэй зөвлөнө үү.

Хэрэв та жирэмсэн бөгөөд  эмч танд хэрэглэхийг зөвлөөгүй бол Флукона-Денк 150 бэлдмэлийг хэрэглэхийг хориглоно.

Флуконазолыг нэг удаа 150 мг тунгаар хэрэглэсний дараа  хүүхдийг хөхөөр хооллож болно. Флуконазолыг давтан хэрэглэх бол хүүхдийг хөхөөр хооллохгүй.

Флукона-Денк 150 нь мөөгөнцрийн эсрэг эмийн бүлэгт хамаарах бөгөөд үйлчлэгч бодис нь флуконазол юм. Флукона-Денк 150 бэлдмэлийг насанд хүрэгчдийн мөөгөнцрөөр үүсгэгдсэн халдварын эмчилгээнд хэрэглэнэ. Мөөгөнцрийн халдварын зонхилон үүсгэгч нь Candida гэж нэрлэгддэг хөрөнгөний мөөгөнцөр юм.

Эмчлэгч эмч танд уг бэлдмэлийг эр бэлэг эрхтэн болон үтрээний халдвар, бэлэг эрхтний мөөгөнцрийн үед хэрэглүүлнэ.

·         Бэлдмэлийг хүүхдээс хол байлгана уу.

·         Бэлдмэлийн хатуу цаасан хайрцаг ба савлагаан  дээрх хүчинтэй хугацаа хэтэрсэн бол хэрэглэхгүй. Эмийн “хүчинтэй хугацаа”-г тухайн сарын сүүлийн өдрөөр тооцно.

·         Хүчинтэй хугацаа: 36 сар.

·         Бэлдмэлийг 300С доош  хэмд хадгална.

·         Бэлдмэлийг бохир усны хоолой руу хаяж болохгүй. Хэрэглэхгүй эмийг хэрхэн устгах талаар эм зүйчээс лавлана уу. Энэ арга хэмжээ нь хүрээлэн байгаа орчноо хамгаалахад тань тусална.

Дараах тохиолдолд Флукона-Денк 150 бэлдмэлийг хэрэглэхийн өмнө эмч, эм зүйчид мэдэгдэнэ үү.Хэрэв та:

·         элэг, бөөрний эмгэгтэй

·         зүрхний хэм алдагдал зэрэг зүрхний эмгэгтэй

·         цусан дахь кали, магни, кальцийн хэмжээ хэвийн түвшнээс өөрчлөгдөх

·         хүнд явцтай арьсны урвал илэрсэн (загатнах, арьс улайх, амьсгалахад хүндрэлтэй болох)

·         бөөрний дээд булчирхайгаас ялгарах кортизол зэрэг стероид дааврын дутагдалын шинж илэрсэн (архаг эсвэл удаан хугацаанд үргэлжилж буй ядаргаа, булчингийн сульдал, хоолны дуршил алдагдах, биеийн жин буурах, хэвлийгээр өвдөх).