Амаар ууж хэрэглэх хатуу бүрээст  бэлдмэл

Хүүхдийн хэрэглээ:

Хэдийгээр уг бэлдмэл нь насанд хүрэгчдэд зориулагдсан боловчэмчилгээ зайлшгүй шаардлагатай болон бусад эмчилгээ тохиромжгүй үед өсвөр насныханд (12-17 насныхан) хэрэглэж болох ба энэ үед насанд хүрэгчдэд хэрэглэдэгтэй адил хэрэглэнэ.

Флукона-Денк 100 нь мөөгөнцрийн эсрэг бүлгийн бэлдмэл. Үйлчлэгч бодис нь флуконазол. Флукона-Денк 100 бэлдмэлийг мөөгөнцрөөр үүсгэгдсэн халдварын эмчилгээнд хэрэглэх ба мөн кандидозын халдварыг зогсоох зорилгоор хэрэглэнэ. Мөөгөнцрийн халдварын хамгийн нийтлэг шалтгаан бол Candida хэмээх хөрөнгөний мөөгөнцөр юм.

Насанд хүрэгсдэд:

Дараах мөөгөнцрийн халдварын эмчилгээнд хэрэглэнэ.

-       Криптококкын менингит- тархины мөөгөнцрийн халдвар

-       Кокцидиоидомикоз- гуурсан хоолой ба уушгины тогтолцооны эмгэг

-       Candida-р үүсгэгдсэн халдвар ба цусны урсгал, бие махбодын эрхтний (зүрх, уушги гэх мэт) эсвэл шээсний замын мөөгөнцрийн халдвар

-       Салстын мөөгөнцөр – амны хөндий ба хоолойн салст бүрхүүлийн халдвар, хиймэл шүдний улмаас ам гэмтэх.

-       Бэлгийн замын мөөгөнцөр - үтрээ ба эр бэлэг эрхтний халдвар

-       Арьсны халдвар - тамирчны тавхай (athlete's foot), цагираг-хорхой (ring-worm), , цавины өнгөц мөөгөнцөр (jock itch), хумсны халдвар

Флукона-Денк 100 бэлдмэлийг мөн дараах тохиолдолд хэрэглэж болно.

-       Криптококкын менингитын халдварын дахилтыг зогсоох

-       Салстын мөөгөнцрийн дахилтыг зогсоох

-       Үтрээний мөөгөнцрийн дахилтыг бууруулах

-       Candida-р үүсгэгдэх халдварыг зогсоох (хэрэв таны дархлааны систем сул эсвэл зохих ёсоор ажиллахгүй байгаа бол)

Хүүхэд ба өсвөр насныхан (0-17 нас):

Дараах мөөгөнцрийн халдварын эмчилгээнд хэрэглэнэ.

-       Салстын мөөгөнцөр – амны хөндий ба хоолойн салст бүрхүүлийн халдвар

-       Candida-р үүсгэгдсэн халдвар ба цусны урсгал, бие махбодын эрхтний (зүрх, уушги гэх мэт) эсвэл шээсний замын мөөгөнцрийн халдвар

-       Криптококкын менингит- тархины мөөгөнцрийн халдвар

Флукона-Денк 100 бэлдмэлийг мөн дараах тохиолдолд хэрэглэж болно.

-       Candida-р үүсгэгдэх халдварыг зогсоох (хэрэв таны дархлааны систем сул эсвэл зохих ёсоор ажиллахгүй байгаа бол)

-       Криптококкын менингитийн дахилтыг зогсоох

Флукона-Денк 100 нь мөөгөнцрийн эсрэг бүлгийн бэлдмэл. Үйлчлэгч бодис нь флуконазол. Флукона-Денк 100 бэлдмэлийг мөөгөнцрөөр үүсгэгдсэн халдварын эмчилгээнд хэрэглэх ба мөн кандидозын халдварыг зогсоох зорилгоор хэрэглэнэ. Мөөгөнцрийн халдварын хамгийн нийтлэг шалтгаан бол Candida хэмээх хөрөнгөний мөөгөнцөр юм.

-       Бэлдмэлийг хүүхэд үзэж хүрэхээргүй газар хадгална.

-       Цаасан хайрцаг болон блистер дээр тэмдэглэсэн хүчинтэй хугацаа дууссанаас хойш бэлдмэлийг хэрэглэхгүй. Хүчинтэй хугацаа нь тухайн сарын сүүлийн өдөр дуусна.

-       Хүчинтэй хугацаа: 24 сар

-       25°С-с доош хэмд хадгална.

-       Бэлдмэлийг бохирын ус болон ахуйн хог хаягдалд хаяж болохгүй. Цаашид хэрэглэгдэхгүй бэлдмэлийг яаж устгах талаар эм зүйчээс асууна. Энэ нь хүрээлэн байгаа орчноо хамгаалахад тустай.

Флукона-Денк 100 бэлдмэлийг хэрэглэхийн өмнө эмч ба эм зүйчтэйгээ ярилцана..

Дараах тохиолдолд эмчлэгч эмчдээ мэдэгдэнэ.

-       Элэг ба бөөрний эмгэгтэй бол

-       Зүрхний эмгэгтэй бол (үүнд зүрхний хэм алдагдлын эмгэг орно)

-       Цусан дахь кали, кальци, магнийн хэмжээ өөрчлөгдөх

-       Хүнд хэлбэрийн арьсны урвал илрэх (арьс загатнах, улайх, амьсгалахад бэрхшээлтэй болох)

Дараах тохиолдолд Флукона-Денк 100 бэлдмэлийг хэрэглэхийг цээрлэнэ.

-       Флуконазол ба мөөгөнцрийн халдварын эмчилгээнд хэрэглэдэг бусад бэлдмэл болон уг бэлдмэлийн найрлага дахь бусад бодист (6-р хэсэг жагсаасан) харшилтай бол. Үүнд: арьс загатнах, улайх, амьсгалахад бэрхшээлтэй болох шинж тэмдэг хамаарна.

-       Астемизол, терфенадин хэрэглэж байгаа бол (харшлын үед хэрэглэдэг гистамины эсрэг бэлдмэл)

-       Цизаприд хэрэглэж байгаа бол (ходоодны хямралд хэрэглэдэг)

-       Пимозид хэрэглэж байгаа бол (сэтгэцийн эмгэгийн үед хэрэглэдэг)

-       Хинидин хэрэглэж байгаа бол (зүрхний хэм алдагдлын эмчилгээнд хэрэглэдэг)

-       Эритромицин хэрэглэж байгаа бол (халдварын эмчилгээнд хэрэглэдэг антибиотик)