ХАСКОВИР кремийг хэрхэн хэрэглэх нь:

Хасковирийг зөвхөн гадуур хэсэг газарт түрхэж хэрэглэдэг.

Херпесээр гэмтсэн хэсэг болон түүнийг тойруулан өдөрт 5 удаа(ойролцоогоор 4 цаг тутамд) нимгэн түрхэж хэрэглэнэ. Халдварын анхны шинж тэмдэг(загатнах, халуун оргих, хорсох г.м.) илрэнгүүт аль болох эрт эмчилгээг эхлэх нь зүйтэй.    

Дахилт илэрсэн даруйд нь кремийг түрхвэл эмгэг даамжрахаас сэргийлэх боломжтой.

Халдвар арьсны бусад хэсэгт тархахаас сэргийлэхийн тулд кремийг түрхэхийн өмнө болон түрхсэний дараа гараа угааж байх хэрэгтэй.

Эмчилгээг 5 хоног явуулах хэрэгтэй. Хэрэв энэ хугацаанд шинж тэмдэг намдахгүй байвал эмчилгээг дахин 5 хоног үргэлжлүүлнэ. Хэрэв 10 хоногийн хугацаанд эмгэг шинж тэмдэг арилахгүй байвал эмчээс зөвлөгөө аваарай.

Хэрэв танд ХАСКОВИР эмийн үйлдэл хэт хүчтэй буюу хэт сул санагдвал эмчдээ хэлээрэй.

Хэрэглэхээ мартсан тохиолдолд:

Санасан даруйдаа л Хасковир бэлдмэлээ хэрэглэх ёстой.

Хэрэглэх заалт:

Уг эмийн бэлдмэлийг herpes simplex virus (Herpes simplex)-ээр үүсгэгдсэн  herpes simplex (“хүйтний эмгэг” буюу “хомхой долоох” хэмээн нэрлэгддэг) болон херпесийн эмгэгшилийн эмчилгээнд хэрэглэнэ.

ХАСКОВИР кремийг хэрэглэхийн өмнө:

ХАСКОВИР кремийг хэрэглэж болохгүй нь: Хэрэв та ацикловир, валацикловирын идэвхитэй бодист болон пропилен гликол, цетостеариль алкохоль буюу түүний аль нэгэн найрлаганд хэт мэдрэгшсэн бол хэрэглэж болохгүй.

15°С-25°С-ийн хэмд сайтар таглан хадгална.

ХАСКОВИР кремийг хэрэглэх тусгай анхааруулга:

Ам болон нүдний салст бүрхэвчинд түрхэж болохгүй, учир нь цочрол үүсгэдэг.

Уг эмийг зөвхөн херпес байрласан тэрхэн хэсэгт л түрхэнэ. Салст бүрхэвчинд болон бэлэг эрхтэний херпесийн эмчилгээнд хэрэглэж болохгүй. Уг эмийг нүдэнд хүргэхээс машид болгоомжлох шаардлагатай.

Хэрэв та ялангуяа хүнд хэлбэрийн дахилтат “хүйтний эмгэг”-тэй бол эмчээс зөвөлгөө аваарай. 

Дархлалын эмгэгшилтэй бол эмчийн зөвлөгөөгүйгээр энэхүү эмийг хэрэглэж болохгүй.

Халдвар бусдад тархахаас урьдчилан сэргийлэхийн тулд херпестэй хэсгээр хүний биед хүрч болохгүй бөгөөд хувийн алчуур хэрэглэх нь халдвар бусдад тархах өртөмжийг багасгана.

Сүүлд дурьдагдсан энэхүү анхааруулгын талаар эмчээс холбогдох зөвлөгөөг аваарай.

Жирэмсэн үед:

Энэхүү эмийг хэрэглэхийн өмнө эмчээс зөвөлгөө аваарай.

Эмч урагт үзүүлэх сөрөг өртөмжөөсөө эхэд ашигтай тал нь давуутай хэмээн зөвлөсөн тохиолдолд л жирэмсэн үед уг эмийг хэрэглэж болох юм.