Тун, хэрэглэх арга

Насанд хүрэгчид, 12 түүнээс дээш насныханд Улькавис® бэлдмэлийг хоол, унтахаас 30 минутын өмнө 1 шахмалаар өдөрт 4 удаа эсвэл хоолноос 30 минутын өмнө 2 шахмалаа өдөрт 2 удаа ууна.

8-12 насны хүүхдэд Улькавис® бэлдмэлийг өдөрт хоол идэхээс 30 минутын өмнө 1 шахмалаар 2 удаа ууна.

4-8 насны хүүхдэд биеийн жинд 8 мг/кг/өдөр тунгаар өдөрт 1-2 шахмал (1-2 удаа хэрэглэнэ). Энэ тохиолдолд өдрийн тун нь тооцоолсон тунд хамгийн ойр байх ёстой (8 мг/кг/өдөр).

Шахмалыг хоол идэхээс 30 минутын өмнө бага хэмжээний усаар даруулж ууна.

Эмчилгээний үргэлжлэх хугацаа 4-8 долоо хоног. Дараагийн 8 долоо хоногт висмут агуулсан эм хэрэглэх ёсгүй.

Helicobacter pylori устгахын тулд Улькавис® бэлдмэлийг хеликобактерийн эсрэг идэвхит бактерийн эсрэг бэлдмэлүүдтэй хослуулах зүйтэй (эмчийн заавраар).

Хадгалах нөхцөл

Өөрийн саванд 25 °С ихгүй хэмд хадгална.

Гаж нөлөө

Хоол боловсруулах сисемд: дотор муухайрах, бөөлжих, суулгах эсвэл өтгөн хатах шинжүүд илэрч болно. Эдгээр нь эрүүл мэндэд хоргүй түр зуурын шинжтэй байдаг.

Харшлын урвал: арьсны тууралт, загатнаа.

Өндөр тунгаар урт хугацаанд хэрэглэхэд висмут төв мэдрэлийн системд хуримтлагдсанаар энцефалопати үүсч болно.

Хэрэглэх заалт

Ходоод, дээрх гэдэсний ялангуяа Helicobacter pylori шалтгаант шархлаат эмгэгийн сэдрэлийн үед

Helicobacter pylori шалтгаант архаг гастрит, ходоод дээрх гэдэсний үрэвсэлийн сэдрэлийн үед

Ихэвчлэн суулгах шинж тэмдэгээр илэрдэг гэдэсний хам шинжүүдэд.

Ходоод гэдэсний замын органик өвчнүүдтэй холбоогүй үйл ажиллагааны диспепси зэрэгт хэрэглэнэ.