Хэрэглэх арга, тун:

Насанд хүрэгсдэд болон 14-өөс дээш насны хүүхдэд: 25-50 мг-аар өдөрт 6-8 цагийн зайтай хэрэглэнэ. Курс эмчилгээ 10-15 хоног үргэлжилнэ. Насанд хүрэгсдийн нэг удаагийн уух дээд тун 100 мг, хоногийн дээд тун 250 мг болно.

Хүүхдэд: 1-3 насны хүүхдэд 5-10 мг, 4-6 настай хүүхдэд 10-15 мг, 7-14 настай хүүхдэд 12.5-25 мг тунгаар шаардлагатай бол 6-8 цагийн зайтай хэрэглэнэ.

Насанд хүрэгсэд нойргүйдлийн үед төв мэдрэлийн тогтолцоог тайвшруулах, нойрсуулах зорилгоор 25-50 мг тунгаар унтахаас 30 минутын өмнө ууна.

Хэрэглэх заалт:

Нойргүйдэл, Паркинсоны хам шинж, хорея (олон үений үрэвсэл, хэрх төст өвчин).

Харшлын шалтгаант эмгэг (Чонон хөрвөс, харшлын улмаас үүссэн нүдний ба хамрын салстын үрэвсэл, Квинкийн хаван, Меньерын хам шинж, эмийн харшил болон харшлын бусад өвчнүүд арьсанд гарсан харшлын тууралт, үрэвсэл г.м)

Далайн буюу өндрийн өвчин, туяаны өвчин,

Жирэмсэн үеийн бөөлжилтийн үед (зөвхөн эмнэлгийн нөхцөлд, эмчийн хяналтанд)

Арьс зөөлөн эдийн том хэмжээний гэмтэл (түлэгдэлт, хөлдөлт), цусархаг васкулит, ийлдсийн өвчин

Ходоод 12 хуруу гэдэсний шархлаа, хүчил ихэдсэн гастрит (хавсарсан эмчилгээний бүрэлдэхүүнд орно) зэрэгт тус тус хэрэглэнэ.

250С-ээс ихгүй хэмд, гэрлээс хамгаалж, хүүхэд хүрэхээргүй газарт хадгална.

Болгоомжлол

Нүдний дотоод даралт ихсэх, бамбайн хордлого, артерийн даралт ихсэх, зүрх судасны систем болон гуурсан хоолой, уушгины өвчтэй хүмүүс болгоомжтой хэрэглэнэ.

Жолоо барих, машин механизмтай ажиллах, нарийн анхаарал шаардсан ажил эрхэлдэг хүмүүс ажлын цагаар хэрэглэж болохгүй. Бэлдмэлийг туяа эмчилгээ болон спиртийн зүйлтэй хамт хэрэглэхээс зайлсхийх хэрэгтэй.