Ууж хэрэглэнэ. 1 удаа 1 шахмал хэрэглэнэ (амандаа бүрэн уустал байлгана).

Бэлдмэлийг 1-2 шахмалаар хоногт 3 удаа хоолноос хамаарахгүйгээр хэрэглэнэ. Өвчтөний биеийн байдлын хүндийн зэргээс хамаарч  эхний 3 хоногт хэрэглэх давтамжийг хоногт 4-6 удаа хүртэл ихгэсгэж болно.

Хэрэглэх заалт:

Ханиалга болон гуурсан хоолойн агчил дагалдсан амьсгалын замын цочмог болон архаг өвчний үед хэрэглэнэ.

Томуу, амьсгалын замын цочмог явцтай вирусын халдвар, цочмог фарингит, ларинготрахейт, цочмог явцтай бөглөрөлт ларингит, архаг бронхит ба амьсгалын дээд ба доод замын бусад халдварт-үрэвсэлт болон харшлын гаралтай өвчний үед илрэх цэртэй болон цэргүй ханиалгын үед хэрэглэнэ.

Хориглох заалт:

Бэлдмэлийн найрлага дахь бүрэлдэхүүн хэсгүүдэд хэт мэдрэг хүмүүст хэрэглэхгүй. Ренгалин бэлдмэлийг  3 хүртэл насны хүүхдэд хэрэглэхийг зөвлөхгүй. Учир нь түүний эмчилгээний үр нөлөө болон аюулгүй байдлын талаарх судалгаа хангалтгүй байдаг.

25°С-аас доош хэмд гэрлээс хамгаалж хадгална.

Хүүхэд үзэж хүрэхээргүй газар хадгална.

Жирэмсэн ба хөхүүл үеийн хэрэглээ:

Жирэмсэн болон хөхүүл үед Ренгалин бэлдмэлийг хэрэглэх үеийн аюулгүй байдал нь судлагдаагүй. Бэлдмэлийг хэрэглэх шаардлага гарсан үед бэлдмэлийн эмчилгээний ашигтай үйлдэл болон урагт үзүүлэх эрсдлийг сайтар харьцуулж анхаарах хэрэгтэй.   

Гаж нөлөө:

Бэлдмэлийн найрлага дахь бүрэлдэхүүн хэсгүүдэд хувь хүний онцлогоос шалтгаалж хэт мэдрэгшлийн урвал илэрч болно.         

Тун хэтрэлт:

Тун хэтэрсэн тохиолдолд бэлдмэлийн найрлага дахь дүүргэгч бодисоор нөхцөлдсөн хоол боловсруулах замын хямралын шинж илэрч болно.

Бусад эмтэй харилцан үйлчлэл:

Эмийн үл нийцэл тохиолдсон талаар одоог хүртэл тэмдэглэгдээгүй.