Хэрэглэх арга, тун:

Насанд хүрэгсэд: 1 удаагийн тунг гаргахын тулд цацагчийн толгой дээр 1 -2 удаа дарна. Ажилбарыг 2 цагийн зайтай хоногт 3-5 удаа давтаж болно. Бэлдмэлийн үйлдлийг сайжруулахын тулд бэлдмэлийг шүд угаахын өмнө болон хойно шууд хэрэглэхгүй. Зөвлөсөн тунг хэтрүүлж болохгүй.

Септолете тотал бэлдмэлийг 7 өдөр хүртэл хугацаагаар хэрэглэж болно.

Настангуудын хэрэглээ:

Насанд хүрэгсдийн тунгаар хэрэглэнэ.

Хүүхэд:

12-с дээш насны хүүхэд: 1 удаагийн тунг гаргахын тулд цацагчийн толгой дээр 1 -2 удаа дарна. Ажилбарыг 2 цагийн зайтай хоногт 3-5 удаа давтаж болно. 6-12 насны хүүхэд: 1 удаагийн тунг гаргахын тулд цацагчийн толгой дээр 1 удаа дарна. Ажилбарыг 2 цагийн зайтай хоногт 3-5 удаа давтаж болно. 6-аас доош насны хүүхэд: Септолете тотал бэлдмэлийг 6-аас доош насны хүүхдэд хэрэглэхгүй.

Хэрэглэх заалт:

Септолете тотал цацлагыг хоолой, амны хөндий, буйл цочрох, буйлны үрэвсэл, залгиурын үрэвсэл, төвөнхийн үрэвсэл зэрэг эмгэгийн үед, мөн түүнчлэн насанд хүрэгсэд ба 6 -аас дээш насны хүүхдийн шүд авахын өмнө болон дараа үрэвслийн эсрэг, өвдөлт намдаах, үжилгүйжүүлэх эмчилгээний зорилгоор хэрэглэнэ.

Хадгалалт

25°С-аас доош хэмд хадгална.

Флаконыг нээснээс хойш 6 сарын хугацаанд хэрэглэх шаардлагатай. 25°С-аас доош хэмд хадгална.

Хүүхэд хүрэхээргүй газар хадгална.

Онцгой анхааруулга.

Септолете тотал бэлдмэлийг 7 хоногоос удаан хугацаагаар хэрэглэхгүй. Эмчилгээний илэрхий үр дүн илрэхгүй байвал эмчтэйгээ зөвлөнө. Хэсэг газрын эмчилгээнд зориулсан бэлдмэлийг ялангуяа удаан хугацаагаар хэрэглэхэд бэлдмэлд мэдрэг болж болзошгүй ба энэ тохиолдолд бэлдмэлийн эмчилгээг зогсоож тохирсон эмчилгээг эхлэх шаардлагатай. Септолете тотал бэлдмэлийг анионы нэгдэл болон анионы нэгдэл орсон бүтээгдэхүүнтэй (жишээ нь шүдний оо) хамт хэрэглэхгүй. Иймээс түүнийг шууд шүд угаахын өмнө болон дараа хэрэглэхгүй.

Септолете тотал цацлагыг нүдний салст бүрхүүлд хүргэж болохгүй.

Бэлдмэлийг амьсгалж болохгүй.

Бэлдмэл нь 100мг/тун-с бага хэмжээний этанол агуулдаг.