Хэрэглэх арга ба тун

Ууж хэрэглэнэ.

Бэлдмэлийг хооллох үед буюу эсвэл шууд хоолны дараа хэрэглэнэ. Сиропыг хооллоход зориулсан шилэнд жимсний болон хүнсний ногооны шүүстэй хольж болно.

Сиропыг зөв хэмжихийн тулд хэмжээс бүхий халбагыг хэрэглэх хэрэгтэй. Өнгөний бага зэргийн өөрчлөлт нь хүүхдийн тэжээл/шүүсний амт болон бэлдмэлийн эмчилгээний үр дүнд нөлөөлөхгүй.

Хоногийн тунг 1 удаа буюу эсвэл хэд хэд хувааж хэрэглэж болно.

Бэлдмэлийн хэрэглэх тун болон эмчилгээний үргэлжлэх хугацаа нь төмрийн дутагдлын зэргээс хамаарна.

Хэрэглэх заалт

Төмрийн далд дутагдлын эмчилгээ

Төмөр дутагдлын цус багадалтын эмчилгээ (төмрийн илэрхий дутагдал)

Жирэмсэн үеийн төмрийн дутагдлаас сэргийлэх

Цээрлэлт

Бэлдмэлийн найрлага дахь үйлчлэгч болон туслах бодист хэт мэдрэгшилтай хүмүүс

Төмрийн илүүдэл  (жишээ нь гемохроматоз, гемосидероз) буюу эсвэл төмрийн ашиглалт өөрчлөгдөх (жишээ нь сидеро-ахрестик цус багадалт, хар тугалганы хордлогын үеийн цус багадалт, талассеми)

Төмрийн дутагдлаар нөхцөлдөөгүй цус багадалт (жишээ нь цус задралын цус багадалт, витамин В12-ын дутагдалтай холбоотой мегалобласт цус багадалт)

25°С-аас доош хэмд хүүхэд хүрэхээргүй газар хадгална.

Бэлдмэлийг хэрэглэх үед өтгөн хар өнгөтэй гарч болох ба энэ нь эмнэл зүйн ач холбогдолгүй байна.

Цус багадалтыг халдвар болон хавдар үүсгэж болно. Төмөр нь зөвхөн үндсэн өвчнийг эмчилсний дараа бие махбодод бүрэн шингэж эхэлдэг тул эмчилгээний ашигтай тал болон эрсдлийг харьцуулж үнэлэх шаардлагатай.

Бэлдмэлийг элэгний үйл ажиллагааны өөрчлөлттэй өвчтөн болон архинд донтох эмгэгийн үед болгоомжтой хэрэглэх хэрэгтэй.

Чихрийн шижинтэй өвчтөнд зориулсан мэдээлэл: 1мл сироп-т 0,04 талхны нэгж агуулагддаг.

Бэлдмэл сорбитол ба сахароз агуулдаг. Фруктозын үл зохицол, глюкоз-галактозын шимэгдэлтийн өөрчлөлт буюу сахараз-изомальтазын дутагдал зэрэг удамшлын ховор тохиолддог өвчтэй хүмүүст уг бэлдмэлийг хэрэглэхгүй.

Сироп бага хэмжээний этанол (5мл-т 16мг хүртэл) агуулдаг.

Бэлдмэл метилпарагидроксибензоат болон пропилпарагидроксибензоат агуулдаг бөгөөд эдгээр бодис нь харшлын урвал үүсгэж болно.