Хэрэглэх арга, тун: 1 уут бэлдмэлийг 50 мл халуун бүлээн усанд уусгаж, хоолны дараа ууж хэрэглэнэ.

Бэлдмэлийн хэрэглэх тунг өвчний байдал, өвчтөний насыг харгалзан эмчлэгч эмч тогтооно.

Насанд хүрэгсэд ба 14-өөс дээш насны хүүхдэд 600 мг-аар өдөрт 1 удаа эсвэл 200 мг-аар өдөрт 2-3 удаа ,

6-14 насны хүүхдэд 200 мг-аар өдөрт 2 удаа эсвэл 100 мг-аар өдөрт 3 удаа,

2-6 насны хүүхдэд 100 мг-аар өдөрт 2-3 удаа тус тус хоолны дараа ууж хэрэглэнэ.

Эмчилгээ эхэлснээс хойш 4-5 өдрийн дараа өвчний шинж арилахгүй байвал эмчлэгч эмчдээ хандана.

Хэрэглэх заалт:

Цэрний зуурамтгай чанар ихэссэн ба салс-идээт цэр дагалдсан  амьсгалын замын эмгэгүүд:

Цочмог ба архаг бронхит;

Бөглөрөлт бронхит;

Бактер вирусийн гаралтай цагаан мөгөөрсөн хоолойн үрэвсэл;

Залгиур-цагаан мөгөөрсөн хоолойн үрэвсэл;

Уушгины үрэвсэл;

Уушгины буглаа;

Бронх тэлэх өвчин;

Бронхийн багтраа;

Уушгины архаг бөглөрөлтөт өвчин;

Уйланхайт хатингаршил (муковисцидоз);

Цочмог ба архаг хамар, дайврын хөндийн үрэвсэл болон дунд чихний үрэвсэл зэргийн үед хэрэглэнэ.

Түүнээс гадна уушгины гэмтэл ба мэс ажилбарын дараа амьсгалын замаас өтгөрсөн шүүрлийг гаргахад хэрэглэж болно.

Хориглох заалт:

Бэлдмэлийн найрлага дахь аль нэгэн бодист хэт мэдрэг хүмүүс, ходоод 12 дээд гэдэсний шархлаат эмгэгийн хурцдал үед, цусаар ханиалгаж байгаа, уушигны цус алдалттай хүмүүс, фенилкетонурийн хам шинж бүхий хүмүүс, жирэмсэн болон хөхүүл үед, 2 хүртэлх насны хүүхдэд хэрэглэхийг хориглоно.

Флюлесс 100 мг, 200 мг болон 600 мг нунтаг эмийг 250С-ээс дээшгүй хэмд,  гэрлээс хамгаалж, хүүхэд хүрэхээргүй газарт  хадгална.

Анхааруулга ба болгоомжлол:

o   Бэлдмэлийг хэрэглэхийн өмнө эмч ба эм зүйчээс зөвлөгөө авна уу.

o   Бэлдмэлийн туслах бодисын нэг удаагийн тунд 3.3 г сахар агуулдаг учир чихрийн шижинтэй хүмүүст болгоомжтой хэрэглэнэ үү.

o   Хэрэв бэлдмэлийг хэрэглэхээс өмнө ханиалгах чадваргүй эсвэл ханиах чадвар буурсан байвал бэлдмэлийг ууснаар суларсан цэрийг гуурсаар соруулж болно.

o   Хэрэв ууттай бэлдмэлийг онгойлгоход хүхэрийн (ялзарсан өндөгний) эвгүй үнэр үнэртвэл  хэвийн  гэж үзнэ. Энэ үнэр усанд уусгахад арилж жимсний үнэртэй болно.

Дараах тохиолдолд болгоомжтой хэрэглэнэ.

ходоод, 12 дээд гэдэсний шархлааны түүхтэй;

улаан хоолойн венийн судасны өргөсөлт;

гуурсан хоолойн багтраа;

бөглөрөлтөт бронхит;

элэг, бөөрний үйл ажиллагааны дутмагшил;

гистаминий хэт мэдрэгшил (эмийг удаан хугацаагаар хэрэглэхээс зайлсхийх хэрэгтэй, учир нь ацетилцистеин нь гистаминий бодисын солилцоонд нөлөөлдөг бөгөөд толгой өвдөх, вазомотор ринит, загатнах зэрэг гаж нөлөө илрэхэд хүргэдэг);

цусны даралт ихсэх үед;

Тун хэтэрсний улмаас илрэх нөлөө: Тун хэтэрсэн тохиолдолд дотор муухайрах, бөөлжих, суулгах шинж тэмдэг илэрч болзошгүй.