Зөвлөж буй тун:

Насанд хүрэгсэд ба 12-с дээш насны өсвөр үеийнхэн:

Гэмтэлтэй хэсгийн арьсанд 5-10см урт гель-ийг хоногт 1-3 удаа түрхэнэ. Фастум® Гелийг шингээхийн тулд болгоомжтой иллэг хийх хэрэгтэй.

Фастум® Гелийг задгай (non-occlusive) боолттой хэрэглэж болох боловч агаар нэвтрүүлдэггүй битүү боолттой хэрэглэж болохгүй.

Тюб: таглааг эргэдэн авч таглааны дээд хэсэгт байрлах цэгээр хөнгөн цагаан лацыг цоолно.

Шахуурган тараагч: шахуурган тараагчийг анхны удаа хэрэглэхдээ тараагчийн дээд хэсгийг хэд хэдэн удаа дарах ба эсвэл гелийг гартал доод хэсгийг түлхэж шахна. Хэрэглэх үедээ тараагчийг хэвтээ байрлалд барина (доорх зургийг үз).

Хүүхэд

Кетопрофены үр нөлөө болон аюулгүй байдал нь хүүхдэд тогтоогдоогүй.

Фастум® Гелийг хэр удаан хугацаагаар хэрэглэх вэ?

Фастум® Гель-ийг зөвхөн эмчилгээний богино хугацаагаар хэрэглэнэ.

Хэрэв эмгэг дахин давтагдах эсвэл шинж чанар нь өөрчлөгдөөд удаагүй байгаа бол эмчдээ хандаж зөвлөгөө авна.

Арьсны урвал (хавьтлын дерматит, гэрэлд мэдрэгшлийн урвал) илрэх эрсдэлтэй тул Фастум® Гелийг зөвлөснөөс удаан хугацаагаар хэрэглэж болохгүй.

Хэрэв та Фастум® Гель-ийг зөвлөснөөс их хэмжээгээр хэрэглэсэн бол

Фастум® Гелийг гадуур (арьсанд) хэрэглэж байгаа үед цусанд маш бага хэмжээгээр хүрдэг. Иймээс тун хэтрэлтийн үр нөлөө илрэх магадлал маш бага байдаг.

Хэрэв таньд уг бэлдмэлийг хэрэглэхтэй холбоотой ямар нэгэн нэмэлт асуулт байвал эмчлэгч эмч эсвэл зүйчид хандаж зөвлөөрэй.

Хэрэв та Фастум® Гелийг хэрэглэхээ мартаж өнгөрөөсөн бол

Мартаж өнгөрөөсөн тунг нөхөхийн тулд тунг давхарлаж хэрэглэж болохгүй.

Хэрэв та Фастум® Гель-ийг  хэрэглэхээ зогсоосон бол

Хэрэв таньд уг бэлдмэлийг хэрэглэхтэй холбоотой ямар нэгэн нэмэлт асуулт байвал эмчлэгч эмч эсвэл зүйчид хандаж зөвлөөрэй.

1. Фастум® Гель гэж юу вэ? Түүнийг юунд хэрэглэдэг вэ?

Фастум® Гель нь кетопрофен гэж нэрлэгддэг эмийн бэлдмэл агуулдаг бөгөөд энэ нь стероид бус үрэвслийн эсрэг эмийн бүлэгт хамаардаг. Бэлдмэл үрэвслийн эсрэг болон өвдөлт намдаах үйлдэлтэй.

Фастум® Гелийг яс-үе-булчингийн системийн хэрэхийн болон гэмтлийн гаралтай өвдөлтийн хэсэг газрын эмчилгээнд хэрэглэнэ: няцралт, мурийлт, булчингийн суналт, хүзүүний хөшилт, бүсэлхийн өвдөлт.

2. Фастум® Гелийг хэрэглэхээс өмнө та юу мэдэх шаардлагатай вэ?

Фастум® Гель-ийг дараах тохиолдолд хэрэглэхгүй.

Та кетопрофен, тиапрофенийн хүчил, фенофибрат, хэт ягаан туяаг хориглогч, эсвэл үнэртэн зэрэгт арьсны харшлын өгүүлэмжтэй бол

Та гэрэлд хэт мэдрэгшлийн ямар нэгэн урвалын өгүүлэмжтэй бол

Та идэвхтэй бодис кетопрофен эсвэл Фастум® Гелийн бусад туслах бодист хэт мэдрэг (харшилтай) бол (бусад туслах бодисын жагсаалтанд зориулсан “Нэмэлт мэдээлэл” гэсэн 6 хэсгийг үз)

Та тиапрофенийн хүчил, ацетилсалицилын хүчил, стероид бус үрэвслийн эсрэг бусад эм (жишээ нь ибупрофен) эсвэл өвдөлт намдаах эсвэл үрэвслийн эсрэг ямар нэгэн эмэнд хэт мэдрэг (харшилтай) бол (харшлын шинж тэмдэгт амьсгал давчдах (багтраа), хамраас нус гоожих (хамрын салст бүрхүүлийн үрэвсэл), эсвэл загатнаат тууралт (чонон хөрвөс) орно)

Та фенофибратад (цусан дахь холестеролын түвшинг багасгах зорилгоор хэрэглэдэг эм) харшилтай бол

Та эмчилгээний үед болон эмчилгээ дууссанаас хойш 2 долоо хоногийн хугацаанд нарны туяанд (нартай бүрхэг байсан ч гэсэн) өртөхөөс зайлсхийх боломжгүй бол (наранд шарах газрын хэт ягаан туяаг оруулаад)

Та арьсны эмгэг өөрчлөлттэй бол: намарс эсвэл батга, арьсны халдвар, нээлттэй шарх

Та жирэмсний 3 дахь 3 сард байгаа бол (“Жирэмсэн ба хөхүүл үе” хэсгийг үз)

. Фастум® Гелийг яаж хадгалах вэ?

Уг бэлдмэлийг хүүхэд үзэж хүрэхээргүй газар хадгална.

Хадгалалтын тусгай нөхцөл шаарддаггүй.

Хүчинтэй хугацаа: 5 жил

Цаасан хайрцаг болон туб/тараагч дээр заасан хадгалах хугацаа дууссанаас хойш бэлдмэлийг хэрэглэж болохгүй. Хүчинтэй хугацаанд тухайн сарын сүүлийн өдөр хамаарна.

Ямар нэгэн эмийн бэлдмэлийг бохирын ус болон ахуйн хогонд хаяж болохгүй. Цаашид хэрэглэгдэхгүй болсон эмийн бэлдмэлийг хэрхэн устгах талаар эм зүйчээс асууна. Энэ арга хэмжээ нь хүрээлэн буй орчноо хамгаалахад тусална.

Анхааруулга ба болгоомжлол

Фастум® Гелийг хэрэглэхээсээ өмнө эмчлэгч эмч эсвэл эм зүйчдээ хандаж зөвлөнө.

Хэрэв таны зүрх, бөөр, элэгний үйл ажиллагаа буурсан бол. Фастум® Гелийг хэрэглэхээсээ өмнө эмчлэгч эмчдээ хандаж зөвлөнө: зарим тохиолдолд бөөрний гэмтэл бүхий системийн гаж нөлөө мэдээлэгдсэн.

Хэрэв тууралт илэрвэл Фастум® Гелийг хэрэглэхээ зогсооно.

Арьсны ямар нэгэн урвал илэрвэл эмчилгээг шууд зогсооно. Октокрилен агуулсан бүтээгдэхүүнтэй (октокрилен нь шампунь, сахал хуссаны дараа хэрэглэдэг, банн болон шүршүүрт хэрэрлэдэг гель, арьсны крем,  уруулын будаг, хөгшрөлтийн эсрэг крем, нүүрний будаг арилгагч, гэрлийн задралыг удаашруулдаг үсний шүршигч зэрэг гоо сайхан болон эрүүл ахуйн хэд хэдэн бүтээгдэхүүний туслах бодисын нэг) хамт хэрэглэсний дараа илрэх арьсны урвалыг оруулаад.

Фастум® Гелийг үрэвссэн, гэмтсэн, халдварлагдсан арьсанд түрхэж болохгүй.

Фастум® Гелийг нүд, ам, хамрын нүх, хошного ба бэлэг эрхтэн орчмын хэсэгт хэрэглэж болохгүй.

Агаар эсвэл ус нэвтрүүлдэггүй боолттой хэрэглэж болохгүй (тухайн хэсгийг хуванцар боолтоор ороож, боож, бүрхэж болохгүй).

Хамын салст бүрхүүлийн архаг үрэвсэл, дайвар хөндийн архаг үрэвсэл, хамрын уйланхайтай хавсарсан багтраатай өвчтөн бусад хүмүүстэй харьцуулахад аспирин эсвэл стероид бус үрэвслийн эсрэг эмэнд харшилтай байх эрсдэл өндөр байдаг.

Зөвлөж буй эмчилгээний үргэлжлэх хугацааг хэтрүүлж болохгүй. Учир нь цаг хугацаа өнгөрөх тусам хавьтлын дерматит болон гэрэлд мэдрэгшлийн урвал илрэх эрсдэл ихэсдэг.

Бэлдмэлийг хэсэг газар их хэмжээгээр хэрэглэвэл хэт мэдрэгшил ба багтраа зэрэг системийн үйлдэл илэрч болно. Бэлдмэлийг түрхэх болгоныхоо дараа гараа сайтар угаах хэрэгтэй.

Нар болон наранд шарахаас хамгаалах

Фастум® Гелийг түрхсэн хэсгийг нарны туяа (манантай бүрхэг байсан ч) эсвэл хэт ягаан туяаны үйлчлэлд өртүүлвэл арьсны хүнд хэлбэрийн урвал (гэрэлд мэдрэгшлийн)  үүсдэг. Иймээс үүнийг хийх шаардлагатай:

Гэрэлд мэдрэгшлийн эсрдэл үүсэхээс сэргийлэх зорилгоор эмчилгээний үед болон эмчилгээ дууссанаас хойш 2 долоо хоногийн хугацаанд хувцас өмсөж эмчилсэн хэсгийг хамгаална.

Фастум® Гелийг түрхэх болгоныхоо дараа гараа сайтар угаах хэрэгтэй.