Тун, хэрэглэх арга

Хүнд халдвар болон эмийг дотуур уух боломжгүй тохиолдолд судсаар тарьж хэрэглэнэ.

Насанд хүрэгчдэд, 12-с дээш насны хүүхдэд судсанд дуслаар эхлэх тун 0,5 - 1 г (дуслын хугацаа – 30 - 40 минут), цааш 8 цагаар 500мг тунгаар 5 мл/мин хурдтай хийнэ. Эхний 2-3 дуслын дараа үр дүн сайтай бол тарилгад шилжүүлнэ. Курс эмчилгээ - 7 хоног. Шаардлагатай бол судсаар тарилгыг удаан хугацаанд үргэлжлүүлж болно. Хоногийн дээд тун  - 4 г. Өвчтөний нөхцөл сайжирсан бол өдөрт 400 мг тунгаар 3-5 удаа барих тунд шилжүүлнэ.

12 хүртэлх насны хүүхдэд  нэг тунгийн схемээр – 7,5 мг/кг хийнэ.

Идээт цусан үжлийн өвчинд 1 сар эмчилгээг үргэлжлүүлнэ.

Насанд хүрэгчдэд, 12-с дээш насны хүүхдэд урьдчилан сэргийлэлтэнд мэс заслын өмнө судсанд дуслаар 0,5 - 1 г, мэс заслын өдөр, дараах өдөр нь – 1,5 г/өдөр (500 мг-р 8 цагаар).  1 - 2 өдөр барих тунгаар эмчилгээг үргэлжлүүлнэ. Бөөрний архаг дутагдалтай, креатинины клиренс  30 мл/мин  бага, элэгний дутагдалтай өвчтөнд хоногийн дээд тун -  1 г-с ихгүй, өдөрт 2 удаа хийнэ.  

Радио идэвхт эмийн хувьд бэлдмэлийг туяа эмчилгээнээс 0,5-1 цагийн өмнө венийн судсанд биеийн гадаргууд 160 мг/кг эсвэл  4-6 г/кв,м тунгаар тооцон хэрэглэнэ. Туяа эмчилгээ бүрийн өмнө нийт 1-2 долоо хоног хэрэглэнэ. Үндсэн туяа эмчилгээнд метронидазол хамрагдахгүй. Нэг удаагийн дээд тун 10г-с хэтрэхгүй ба курс эмчилгээнд 60г хэрэглэнэ. Туяаны улмаас үүссэн хордлогын үед дуслаар 5% декстрозын уусмал, гемодез эсвэл 0,9% натрийн хлоридын уусмал хийнэ.  

Хэрэглэх заалт

Эгэл биетний халдвар: гэдэсний амебиаз, элэгний амебаар үүсгэгдсэн буглаа, гэдэсний амебиаз (амебын цусан суулга), трихомониаз (ялангуяа трихомонадны вагинит, трихомонадны уретрит),

Bacteroides spp. (ялангуяа Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus) үүсгэгдсэн халдварууд: яс, үений халдвар, төв мэдрэлийн системийн халдварууд, ялангуяа менингит, тархины буглаа, бактерийн эндокардит, пневмони, плеврийн эмпием, уушгины буглаа, цусан үжил Clostridium spp., Peptococcus болон Peptostreptococcus үүсгэгдсэн халдварууд: хэвлийн хөндийн халдварууд (перитонит, элэгний буглаа), бага тазны эрхтэний халдварууд (эндометрит, эндомиометрит, фаллопийн хоолойн буглаа, өндгөвч, үтрээний халдвар).

Мэс ажилбарын дараах хүндрэлээс урьдчилан сэргийлэхэд (ялангуяа бүдүүн гэдэс, шулуун гэдэсний орчмын ажилбарууд, мухар олгой авах, эмэгтэйчүүдийн мэс ажилбарууд).

Хавдарын туяа эмчилгээтэй өвчтөн – хавдарын эсийн гипозсийн улмаас тэсвэржилт үүссэн үед туяа эмчилгээнд мэдрэгийг нэмэгдүүлэхэд тус тус хэрэглэнэ.

Хориглох заалт

Метронидазол, бусад нитроимидазолын уламжлалын бэлдмэлүүд болон найрлага дах нэгдэлд мэдрэг ихэссэн; жирэмсний I гурван сар, хөхүүл үе,  төв мэдрэлийн тогтолцооны органик гэмтэл (эпилепси), цусны өвчин (өгүүлэмжтэй), элэгний дутагдал (их тунгаар хэрэглэх үед) хориглоно.

Гэрлийн тусгалаас хамгаалж 30°С ихгүй хэмд хадгална. Хөлдөөж болохгүй.

Хүүхэд хүрэхгүй газарт хадгална.  

Гаж нөлөө

Ходоод гэдэсний замд илрэх өөрчлөлт:

Өрц орчим өвдөх, дотор муухайрах, бөөлжих, суулгах, глоссит, стоматит, аманд «металл» амтагдах, хоолны дуршил буурах, анорекси, гэдэсний колик, амны хөндийн салст хуурайших, өтгөн хатах, панкреатит (түр зуур), хэлний өнгө өөрчлөгдөх / «хэл өнгөртөх» (мөөгөнцрийн микрофлорын ургалтаас шалтгаалж).

Дархлалын систем гарах өөрчлөлт:

Судас мэдрэлийн хаван, анафилаксийн шок.

Мэдрэлийн системд гарах өөрчлөлт

Захын мэдрэхүйн нейропати, толгой өвдөх, татах, толгой эргэх, энцефалопати үүсэх,  тархины цочмогдуу хам шинж үүсэх (орчны баримжаа алдагдах, хөдөлгөөн удаашрах, атакси, дизартри, гэдрэг алхах, нистагм, салганах), метронидазолын хэрэглээг зогсоосны дараа эргэн хэвэндээ орно, асептик менингит.

Сэтгэцийн өөрчлөлт:

Сэтгэцийн өөрчлөлт, ухаан балартах, хий юм харах, сэтгэл гутрал, нойргүйдэх, хөөрлийн байдал, цочромтгой болох

Харах эрхтэнд гарах өөрчлөлт:

Түр зуур харааны хямрал диплопи, миопи, бүрэлзэх, харах чадвар буурах, өнгөний ялгарал алдагдах шинжээр үүснэ; харааны мэдрэлийн нейропати/неврит.

Цус, тунгалагийн системд гарах өөрчлөлт:  

агранулоцитоз, лейкопени, нейтропени, тромбоцитопени.

Элэг, цөсний замд гарах өөрчлөлт:  

«элэгний» ферментүүд ихсэх (аспартатаминотрансфераз, аланинамино-трансфераз, шүлтлэг фосфатаз), холестаз, холимог гепатит,  элэгний гэмтэл үүснэ, заримдаа шарлалт хамт явагдана; метронидазол хэрэглэж буй өвчтөнд бусад антибиотикууд хослуулан хэрэглэхэд элэг шилжүүлэн суулгах шаардлагатай элэгний гэмтэл үүсэж болно.

Арьс, өөхөн эдэд гарах өөрчлөлт:

Тууралт, загатнаа, халуун оргих, чонон хөрвөс, арьсны цэврүүт тууралт, Стивенс-Джонсоны хам шинж, эпидермийн хордлогот үхжил.

Бөөр, шээс дамжуулах замд илрэх өөрчлөлт:

Шээсний өнгө өөрчлөгдөн хүрэн-улаан болох,  метронидазолын усанд уусдаг метаболит шээсэнд илрэх, дизури, полиури, цистит, шээс задгайрах, кандидоз.

Ерөнхий болон хэсэг газарт илрэх өөрчлөлт:

Халуурах, хамар битүүрэх, артралги, ядрах, тромбофлебит (арьсан хэсэгт өвдөх, халуун оргих, хавдах).

Лаборатор, багажийн шинжилгээний үзүүлэлт:  

Зүрхний цахилгаан бичлэгт Т шүд тэгширнэ.