Тун ба хэрэглэх арга:

Насанд хүрэгсэд хоногт 10 мг тунгаар хэрэглэнэ. Хоногийн дээд тун 20 мг болно.

6-12 сар 2.5 мг

1-2 насанд 3.3 мг

2-6 насанд 5 мг

6-с дээш насанд 10 мг-аар өдөрт 1 удаа хэрэглэнэ.

Жич: Бөөрний үйл ажиллагааны дутмагшилтай өвчтөнд ердийн тунгийн хагасаар хэрэглэнэ.

Хэрэглэх заалт:

Улирлын илрэлтэй хамрын салстын харшилт үрэвсэлд: Цетиризинийг насанд хүрэгсэд болон 2-оос дээш настай хүүхдийн улирлын илрэлтэй хамрын салстын харшилд (модны, өвсний болон зохимонгийн төрлийн ургамлын тоосны аллергиний улмаас үүсэх) үрэвслийн шинж тэмдгийн эмчилгээнд хэрэглэнэ. Түүнийг хэрэглэхэд найтаах, нус гоожих, хамар ба нүд загаднах, нулимс гоожих болон нүд улайх шинжүүд амархан арилдаг.

Байнга илрэх (улирлын бус) хамрын салстын харшилт үрэвсэлд: Цетиризинийг насанд хүрэгсэд болон 2-оос дээш настай хүүхдийн улирлын илрэлгүй хамрын салстын харшилт (хачигны тоос, амьтны болон хөгцний гаралтай аллергений улмаас үүссэн) үрэвслийн шинж тэмдгийн эмчилгээнд хэрэглэнэ. Түүнийг хэрэглэхэд найтаах, нус гоожих, хамар ба нүд загатнах, нулимс гоожих шинжүүдийг амархан арилгадаг.

Архаг чонон хөрвөст: Цетиризинийг насанд хүрэгсэд болон 2-оос дээш настай хүүхдийн арьсны хүндрэл үүсгээгүй архаг чонон хөрвөсийн эмчилгээнд хэрэглэнэ. Тэрээр илрэлийн тохиолдол хүндрэл болон үргэлжлэх хугацааг ихээхэн багасгаж загатнааг намдаадаг.

Цээрлэлт:

Бэлдмэлийн найрлагад орсон аль нэгэн бодист хэт мэдрэг өвчтөнд хэрэглэхгүй.

Гидроксизинд харшилтай өвчтөнд хэрэглэхгүй.

Эмийн найрлаганд буй идэвхит бодис нь хөхний сүүгээр ялгарах тул хөхүүл эхэд хэрэглэхгүй.

Эмийг жирэмсэн эхэд хэрэглэхгүй учир нь аюулгүй эсэх нь сайтар нотлогдоогүй болно.

Сэрүүн, гэрлийн тусгалаас хамгаалж хуурай нөхцөлд хадгална. Хүүхэд хүрхээргүй газарт хадгална.

Болгоомжлол:

Цетиризин нь холинолик нөлөөтэй болох тул хаалттай өнцөгт глаукомтой, шээс хоригдсон болон түрүү булчирхай томорсон өвчтөнд болгоомжтой хэрэглэнэ.

Цетиризин хэрэглэсэн зарим өвчтөнд нойрмоглол үүсч байсан нь бүртгэгдсэн тул түүнийг жолоо барих, машин техниктэй харьцах үед хэрэглэхдээ ихээхэн болгоомжтой байх шаардлагатай.

Гаж нөлөө:

Тайвшруулах болон гистамины эсрэг нөлөөний улмаас олонтаа тохиолдох гаж нөлөө нь ТМС дарангуйлагдах явдал бөгөөд улмаар бага зэрэг нойрмоглохоос гүн унтах, залхуу хүрэх толгой эргэх болон тэнцвэр алдагдах (ялангуяа хүүхдэд) зэрэг гаж нөлөө илэрч болзошгүй. Эдгээр тайвшрах-дарангуйлах нөлөө нь эмчилгээний хэд хоногоос сулардаг.

Тайвшруулах болон гистамины эсрэг нөлөөний улмаас олонтаа тохиолдох гаж нөлөөнд толгой өвдөх, сэтгэц-хөдөлгөөнт/психомотор/ үйлдлийн дутмагшил болон ам хатах, амьсгалын замын шүүрэл өтгөрөх, хараа бүүдийх, шээхэд саадтай болох, өтгөн хатах болон ходоодны сөргөө үүсэх зэрэг холинолитик үйлдэл орно.