Хэрэглэх арга болон тун:

Тунг тухайн өвчтөний онцлогт нь тохируулан тооцно.

Хүнд хэлбэрийн гуурсан хоолойн багтраа өвчний эмчилээнд болон ууж хэрэглэдэг кортикостеройдын хэрэглээг бууруулах зорилгоор хэрэглэх эмчилгээний эхлэх тун:

Насанд хүрэгсэд: 1 – 2 мг тунгаар өдөрт хоёр удаа.

Хүүхдэд: 0.5 – 1 мг тунгаар өдөрт хоёр удаа.

Зохицуулах тун

Зохицуулах тунг тухайн өвчтөний онцлогт нь тохируулан тооцно. Эмнэлзүйн зохимжтой үр дүнд хүрсний дараагаар өвчний шинж тэмдгийг хянаж байх идэвхитэй үйлчлэх хамгийн бага зохицуулах тун хүртэл алгуурхан бууруулах хэрэгтэй.

Насанд хүрэгсэд: 0.5 – 1 мг тунгаар өдөрт хоёр удаа.

Хүүхдэд: 0.25 – 0.5 мг тунгаар өдөрт хоёр удаа.

Вирүсийн гаралтай төвөнхийн үрэвсэл: Эхний тунг 2 мг, хоёрдох тунг 1 мг 30 минутын зайтай.

Хэрэглэх заалт:

BUDESONIDE ампулыг гуурсан хоолойн багтраа өвчний эмчилгээнд хэрэглэж буй ууж хэрэглэдэг стеройд эмийн хэрэглээг бууруулах болон орлуулах зорилгоор хэрэглэнэ.

BUDESONIDE ампулыг стройд эмчилгээ тохиромжгүй өвчтөнд эмчилгээний өөр хэлбэрт шилжүүлэх зорилгоо хэрэглэнэ. Мөн вирүсийн гаралтай төвөнхийн үрэвслийн эмчилгээнд хэрэглэнэ.

Эсрэг заалт:

Будесонид болон бусад найрлагад хэт мэдрэг бол.

Гэрлийн тусгалаас хамгаалж 300С доош хэмд хадгална. Хөлдөөж болохгүй.

Анхааруулга:

Будесонид ампулыг гуурсан хоолойн агчилтын богино хугацаанд тавиулах зорилгоор хэрэглэж болохгүй.

Будесонид ампул гуурсан хоолойн багтраа өвчний статус болон бусад хурц сэдрэлийн үед яаралтай арга хэмжээ авах зорилгоор дангаар нь эмчилгээ хийхэд тохиромжгүй байдаг. Ялангуяа ууж хэрэглэдэг кортикостеройдыг будесонид ампулаар сольж хэрэглэх гэж байгаа өвчтөнгүүдэд болгоомжтой хэрэглэнэ. Түүнчлэн уушигны хэлбэрийн сүрьеэ болон вирүс, мөөгөнцөрийн халдвартэй өвчтөнгүүдийг онцгой анхаарах хэрэгтэй.