Хэрэглэх арга ба тун

Судсанд тарина.

Эмчилгээний үр нөлөө, цусний сийвэн дэхь магнийн ионы концентрацийг тооцон тунг тогтооно.

Преэклампси ба эклампси. Эмнэлзүйн нөхцөл байдлаас хамааран хувь хүн бүрт тунг тогтооно. Ачааллын тун –5-20минутын зайтай 2-4гр (судсанд дуслаар).

Барих тун – нэг цагийн дотор 1-2гр байна.

Умайн агшилт. Ачааллын тун – 20минутын зайтай 4гр (судсанд дуслаар).

Барих тун – эхлээд нэг цагийн дотор 1-2гр, дараа нь нэг цагийн хугацаанд 1гр (24-72 цаг дуслаар тарьж болно) байна.

Цусан дахь магнийн түвшин бага байх.

Шинэ төрсөн нярайд. Хоногийн тун – 0.2-0.8мг/кг тунг судсанд аажим тарина.

Насанд хүрэгчид. Хөнгөн. Магнийн бэлдмэлийг ууж хэрэглэх боломжгүй буюу зохимжгүй (дотор муухайрах, бөөлжих, ходоодны шингэлтийн алдагдал г.м) бол магнийн сульфатын уусмалыг судсанд тарьж хэрэглэнэ. Хоногийн тун – 1-2 гр тунг булчинд тарина. Энэ тунгаар нэг удаа эсвэл 2-3 удаа хэрэглэж болно. Тарилгын талбайг солин өөрчилж байна.

Хүнд.  Эхний тун – 5гр. Уг тунг 1л тарилгын уусмалд хийн, судсаар аажим дусааж тарина. Тун нь цусны сийвэн дэхь бэлдмэлийн концентрациас хамаарна.

Зөвхөн судсаар хооллож байгаа эмчлүүлэгчдийн цусан дахь магнийн түвшин багасахаас урьдчилан сэргийлэх. Хэрэв тэжээлийн уусмалд магни агуулагдаагүй бол түүнийг нэмэлтээр хэрэглэнэ. Хоногийн тун 1.5 - 4гр. Ерөнхийдөө судсаар хооллох 1л уусмалд 1гр магнийн сульфат нэмнэ.

Насанд хүрэгчдэд магнийн сульфатын хоногийн дээд тун – 40гр.

Даралт ихсэлтийн кризийн үед судсанд (аажим!!) 25% - 5-20мл магнийн сульфатын уусмалыг тарина. 

Зүрхний хэм алдалтыг арилгахын тулд судсанд ойролцоогоор 5 минутанд 1-2гр тарих ба шаардлагатай. давтан тарьж болно.

Магнийн сульфатын тунг грамаар харуулав.

Уг тунд тохирох уусмалын хэмжээ: 1гр – 5мл (20%) -4мл (25%); 2гр – 10мл (20%) -8мл (25%); 3гр – 15мл (20%) -12мл (25%); 4гр – 20мл (20%) -16мл (25%); 5гр – 25мл (20%) -20мл (25%); 10гр – 50мл (20%) -40мл (25%); 15гр – 75мл (20%) -60мл (25%); 20гр – 100мл (20%) -80мл (25%); 30гр – 150мл (20%) -120мл (25%); 40гр – 200мл (20%) -160мл (25%).

Магнийн сульфатын туншилтай уусмалыг шингэрүүлэх уусмалууд:

0.9% натрийн хлорид эсвэл 5% декстроз (глюкоз).

Хэрэглэх заалт

Артерийн даралт ихсэлт (түүний дотор даралт ихсэлтийн криз тархи хавагнахтай хавсран илэрсэн үед г.м), ховдлын олон хэлбэрийн хэм алдалт (“пируэт” хэлбэр), таталтын хам шинж (эклампсийн үеийн таталтыг багасгах, хүнд хэлбэрийн преэклампсийн үед таталтаас урьдчилан сэргийлэх: умайн хэт хүчтэй агшилтыг зогсоох), хүнд металлын давсны хордлого (мөнгөн ус, хүнцэл, тетраэтил хар тугалга), магнийн хэмжээ цусанд багасах (магнийн хэрэгцээ ихсэх, цусанд магни хурц хэлбэрээр багасах – таталт г.м) зэрэгт хэрэглэнэ.

Хориглох заалт

Бэлдмэлд хэт мэдрэг, тосгуур ховдлын хориг I-III (AV хориг) зэрэг, бөөрний дутагдалтай (хэрэв креатининий клиренс 20мл/минутаас бага бол), артерийн даралт илт бага, кальцийн дутагдал болон амьсгалын төв дарангуйлагдсан нөхцөлүүд, зүрхний агшилтын тоо цөөн, төрөхийн өмнөх үед (төрөх хүртэл 2 цагийн дотор) хэрэглэхийг цээрлэнэ.

Болгоомжлол:

булчин сульдал, бөөрний архаг дутагдал (хэрэв креатининий клиренс 20мл/минутаас их бол), амьсгалын замын өвчнүүд, ходоод гэдэсний замын цочмог үрэвсэлт өвчнүүд, өндөр настан, жирэмсэн, хөхүүл эх, хүүхдэд болгоомжтой хэрэглэнэ.

0-25 градус хэмд хадгална.

Хүүхэд хүрэхээргүй газар хадгална.

Тусгай анхааруулга

Булчинд тарьсан хэсэгт хөндүүрлэж, нэвчдэс үүсч болзошгүйг тооцох хэрэгтэй.

Бэлдмэлийн хордлого үүсгэх концентрацид хүрээгүй ч магнийн сульфатыг болгоомжтой хэрэглэнэ. Өндөр настанд бөөрний үйл ажиллагаа буурсан байдаг тул тунг багасгана. Бөөрний үйл ажиллагааны алдагдалтай (хэрэв креатининий клиренс 20мл/минутаас их бол), шээсний гарц багассан  эмчлүүлэгчид 48 цагийн хугацаанд магнийн сульфатын тунг 20гр –аас (81ммол Mg2+) хэтрүүлж болохгүй, судсанд хэт хурдан тарихыг хориглоно. Цусны сийвэн дэхь магнийн ионы концентраци (0.8-1.2ммоль/л-ээс ихгүй байх ёстой), шээсний гарц (100мл/цаг-аас багагүй), амьсгалын тоо (16/минутаас цөөнгүй), АД-ыг хянана.

Магнийн сульфатыг тарихдаа  судсанд тарих кальцийн уусмал жишээ нь кальци глюконатын 10% уусмалыг бэлдэх шаардлагатай. Магни болон кальцийг судсанд нэг дор тарих бол тэдгээрийг өөр өөр венд тарих хэрэгтэй. Магнийн сульфатыг хэрэглэж байхдаа радиологийн шинжилгээ хийвэл шинжилгээний үр дүн гажуудаж болзошгүй.