Торас-Денк 5 бэлдмэлийг хэзээ хэрхэн хэрэглэх вэ?

Эмчийн зааврыг нарийн баримталж хэрэглэнэ.

Хэрэв таньд сайн ойлгогдохгүй байвал эмчлэгч эмч болон эм зүйчээсээ асууж шалгуулаарай.

Торас-Денк 5 бэлдмэлийг ууж хэрэглэнэ.

Бэлдмэлийн даралт бууруулах үйлдэл эмчилгээ эхэлснээс хойш эхний долоо хоногт илрэх бөгөөд 12 долоо хоногийн дотор дээд хэмжээндээ хүрнэ.

Эмч өөрөөр зөвлөөгүй бол эм хэрэглэх дараах зарчмыг баримтална.

Торас-Денк 5-ын эмчилгээг хоногт 1 шахмалаар (5мг торасемид) эхлэн хэрэглэх бөгөөд энэ нь түүний барих тун юм.

Бэлдмэлийг 1 шахмалаар хэрэглэхэд хангалттай үр нөлөө үзүүлэхгүй байвал хоногт 2 шахмал (10мг торасемид) хэрэглэнэ. Энэ тохиолдолд Торас-Денк 5-ын 2 шахмал (10мг торасемид) хэрэглэх ба шаардлагатай тохиолдолд торасемидын тунг өвчний явцаас хамаарч хоногт 20мг хүртэл нэмэгдүүлнэ.

Элэгний үйл ажиллагааны өөрчлөлттэй өвчтөн:

Цусан дахь торасемидын концентраци ихсэж болзошгүй тул элэгний үйл ажиллагааны өөрчлөлттэй өвчтөнд бэлдмэлийг болгоомжтой хэрэглэнэ.

Настангуудын хэрэглээ: Настангуудад тун тохируулах шаардлагагүй.

12-с доош насны хүүхэд: Бүрэн судлагдаагүй тул Торас-Денк 5 бэлдмэлийг 12-с доош насны хүүхдэд хэрэглэхгүй.

Хэрэглэх арга: 

Шахмалыг өглөө бага хэмжээний шингэнээр даруулж бүтнээр нь залгиж ууна. Торас-Денк 5 бэлдмэлийг хооллох үед хэрэглэхгүй.

Эмчилгээний үргэлжлэх хугацаа: 

Торас-Денк 5 бэлдмэлийн эмчилгээ удаан хугацаагаар буюу хаван багастал үргэлжилнэ. Эмчилгээний үргэлжлэх хугацааг эмчлэгч эмч тогтооно.

Хэрэв бэлдмэлийн үйлдэл хэт хүчтэй буюу сул санагдвал эм зүйч болон эмчлэгч эмчдээ мэдэгдээрэй:

Торас-Денк 5 бэлдмэлийн тунг хэтрүүлж хэрэглэвэл:

Бэлдмэлийг санаатай болон санамсаргүйгээр маш их хэмжээгээр хэрэглэснээс ус давсны ялгаралтыг хэт ихэсгэн үүний дүнд ухаан балартах, ухаан алдах, даралт багасах, коллапс, хоол боловсруулах боловсруулах үйл ажиллагаа хямрах зэрэг шинж тус тус илэрнэ. Энэ тохиолдолд эмнэлэгт хандах ба шаардлагатай арга хэмжээг яаралтай авна.

Хэрэв та Торас-Денк 5 бэлдмэлийг хэрэглэхээ мартаж өнгөрөөсөн бол: 

Хэрэв та Торас-Денк 5  бэлдмэлийг маш бага тунгаар хэрэглэсэн буюу хэрэглэхээ мартаж өнгөрөөсөн бол бэлдмэлийн үйлдэл суларна. Үүний дүнд биеийн жин ихсэх, хаван нэмэгдэх зэрэг эмнэлзүйн шинж муудна.

Хэрэглэхээ мартаж өнгөрөөсөн тунгаа удалгүй санавал уг тунг хэрэглэж болно. Хэрэв дараагийн эм хэрэглэх цаг болж байгаа бол мартаж өнгөрөөсөн тунг алгасан нэмж хэрэглэлгүйгээр бэлдмэлийг жоронд бичсэний дагуу үргэлжлүүлэн хэрэглэнэ.

Торас-Денк 5 гэж юу вэ? Түүнийг юунд хэрэглэдэг вэ?

Торас-Денк 5 нь гогцоонд нөлөөлдөг шээс хөөх эмийн бүлэгт хамаарагдах шээс хөөх, даралт бууруулах үйлдэлтэй бэлдмэл. Түүнийг зүрхний үйл ажиллагааны дутагдлын улмаас бие махбодын эд болон хөндийд шингэн хуримтлагдах үед түүнийг эмчлэх болон урьдчилан сэргийлэх зорилгоор хэрэглэнэ.

Дараах тохиолдолд Торас-Денк 5 бэлдмэлийг хэрэглэхийг цээрлэнэ.

·        Үйлчлэгч бодис торасемид болон түүнтэй ижил бүтэцтэй бодис, Торас-Денк 5-ын туслах бодисуудад хэт мэдрэг хүмүүс.

·        Шээсний ялгаралт хаагдах шинж бүхий (анури) бөөрний дутагдал

·        Ком ба комын урьдал байдал бүхий хүнд явцтай элэгний үйл ажиллагааны өөрчлөлт.

·        Гипотензи (цусны даралт багасах)

·        Гиповолеми (бие махбодын цусны эзлэхүүн хэвийн хэмжээнээс  багасах)

·        Гипонатриеми ба гипокалиеми (цусан дахь натри ба калийн хэмжээ багасах )

·        Шээсний ялгаралт саадтай болох (жишээ нь түрүү булчирхайн томролын улмаас)

·        Хөхүүл үе

Торас-Денк 5 бэлдмэлийг дараах тохиолдолд онцгой болгоомжтой хэрэглэнэ.

Хангалттай судлагдаагүй учир Торас-Денк 5 бэлдмэлийг дараах эмгэг ба тохиолдолд хэрэглэхгүй.

·        Тулай

·        Зүрхний хэмнэл алдагдал (сино-атриал хориг, тосгуур ховдлын хориг II ба III зэрэг)

·        Хүчил шүлтийн тэнцвэр алдагдах

·        Литийн бэлдмэл, аминогликозид, цефалоспорины бүлгийн бэлдмэлтэй хамт хэрэглэх.

·        Цусны эмгэг (бөөрний үйл ажиллагааны өөрчлөлттэй өвчтөний цус багадалт болон тромбоцитын тоо цөөрөх)

·        Бөөр хордуулах бодисын улмаас бөөр гэмтэх.

12-с доош насны хүүхдийн хэрэглээ:

Бүрэн судлагдаагүй учир Торас-Денк 5 бэлдмэлийг 12-с доош насны хүүхдэд хэрэглэхгүй.

Жирэмсэн  ба хөхүүл үеийн хэрэглээ:

Жирэмсэн үе: Торас-Денк 5 бэлдмэлийн урагт хэрхэн нөлөөлөх талаар эмнэлзүйн судалгаа бүрэн хийгдээгүй.

Амьтан дээр хийгдсэн судалгаагаар Торас-Денк 5-ын үйлчлэгч бодис торасемид нь үр хөврөлд ямар нэгэн хортой нөлөө үзүүлдэг эсэх нь тогтоогдоогүй. Гэвч үйлчлэгч бодисыг өндөр тунгаар хэрэглэхэд эх амьтан болон урагт хортой нөлөө ажиглагдсан байна.

Торас-Денк 5 бэлдмэлийг эмнэлгийн зайлшгүй шаардлагаас бусад тохиолдолд жирэмсэн үед хэрэглэхгүй. Шаардлагатай үед эмчилгээний хамгийн бага тунгаар хэрэглэнэ.

Иймээс хэрэв та жирэмсэн буюу жирэмслэхээр төлөвлөж байгаа бол эмчлэгч эмчдээ яаралтай мэдэгдээрэй.

Хөхүүл үе: Торас-Денк 5 бэлдмэлийн үйлчлэгч бодис торасемид хүн ба амьтны хөхний сүүтэй ялгардаг талаар мэдээлэл байдаггүй. Иймээс түүнийг хөхүүл үед хэрэглэхгүй.

Хэрэв эмчлэгч эмч хөхүүл үед Торас-Денк 5 бэлдмэлийг хэрэглэхээр шийдвэл хөхөөр хооллолтыг зогсооно.

25°С-с доош хэмд гэрлээс хамгаалж хадгална. Савлалтын хүчинтэй хугацааг блистер болон цаасан хайрцганд тэмдэглэсэн байна.

Илэрч болох гаж нөлөө:

Бусад эмийн бэлдмэлийн нэгэн адил Торас-Денк 5 бэлдмэлийн эмчилгээний үед гаж  нөлөө илэрдэг боловч энэ нь хүн болгонд тохиолддоггүй. Торас-Денк 5 бэлдмэл болон гогцоонд нөлөөлж шээс хөөдөг бусад бэлдмэлийн эмчилгээний үед дараах гаж нөлөө илэрнэ.