Ууж хэрэглэх антибиотик

Эмчийн зааврын дагуу ууж хэрэглэх бөгөөд өглөө оройд 2 удаа 12 цагийн зайтайгаар ууж хэрэглэнэ.

Хэрэглэх тун, үргэлжлэх хугацаа зэргийг өвчтний биеийн байдал, өвчний явц,биеийн жин,нас, бөөрний үйл ажиллагаа зэрэг олон хүчийн зүйлүүдийг тооцож үзсэний үндсэн дээр хэрэглэнэ.

Амьсгалын замын эмгэгүүд:Грам сөрөг нянгаар үүсгэгдсэн  уушгины хатгалгаа (ципрофлоксацин нь пневмококкоор үүсгэгдсэн үрэвслийн үед 1-р эгнээний сонголт бус)

Шээс дамжуулах замын үрэвсэлт өвчний үед (шээс дамжуулах замын цочмог үрэвсэлт өвчний үед (цистит))

Бөөр, шээс дамжуулах дээд замын үрэвсэлт өвчний үед (пиелонефрит)

Бэлгийн замын  өвөрмөц ба өвөрмөц бус үрэвсэлт өвчний үед ( гоноррей)                    Түрүү булчирхайн үрэвслийн үед

Ходоод гэдэсний замын үрэвсэлт өвчний үед (гастроэнтерит)

Арьс ба  зөөлөн  эдийн эмгэгийн үед

Яс, үе холбоосны эмгэгийн үед

Харин  цусан үжил (септицеми),хэвлийн гялтангийн түгээмэл үрэвсэлт өвчин (перитонит) зэргийн үед бусад антибиотикуудтай хавсруулан хэрэглэнэ.

25°С-с доош хуурай, гэрлээс хамгаалсан нөхцөлд хадгална.

Хадгалах хугацаа хэтэрсэн тохиолдолд хэрэглэж болохгүй.

Хүүхэд хүрэхгүй газар хадгална.

Өндөр настай хүмүүст өвчний байдал, бөөрний үйл ажиллагаа зэргийг тооцоолж бага тунгаар хэрглэх нь зохимжтой.

Элэг бөөрний үйл ажиллагаа алдагдсан хүмүүст хэрэглэхдээ:

Цусан дахь ципрофлоксацины хэмжээг хянаж дараах тунгаар хэрэглэнэ.