Хэрэглэх арга ба тун хэмжээ

Гуурсан хоолойн багтраа болон гуурсан хоолойн багтраа нь улирлын шалтгаант харшлын риниттэй 15-оос дээш насны өсвөр үе болон насанд хүрэгчидэд Синглоныг хоногт 10мг-аар оройд ууна.

Уух шахмалыг мартсан тохиолдолд санасан үед уух бөгөөд мартагдсан тунг нөхөх зорилгоор тунг давхарлаж хэрэглэхгүй.

Ерөнхий зөвлөмж

Монтелукастын эмчилгээний үйлдэл нь гуурсан хоолойн хяналтын үзүүлэлтэнд нэг хоногийн дараа нөлөөлнө. Монтелукастыг хоол ундтай хамаарахгүйгээр хэрэглэж болно. Гуурсан хоолойн багтраатай өвчтөнд монтелукастыг уг өвчний сэдрэл болон намжлалын аль ч үед үргэлжлүүлэн хэрэглэж болох мэдээллийг хэлэх шаардлагатай. Синглоныг найрлагандаа монтелукаст агуулсан бусад бэлдмэлтэй хамт хэрэглэхийг хориглоно.

Өндөр настан, хөнгөн болон дунд зэргийн явцтай бөөр болон элэгний дутагдалтай өвчтөнд Синглон эмийн тунгийн зохицуулалт хийх шаардлагагүй. Харин хүнд явцтай элэгний дутагдлын үед эмийн тунгийн зохицуулалт хийх талаарх мэдээлэл байхгүй. Эр болон эмэгтэй хүнд хэрэглэх эмийн тун нь адил байна.

Монтелукастыг гуурсан хоолойн  багтрааны үед хэрэглэдэг бусад бэлдмэлтэй хамт хэрэглэх нь

Монтелукастыг өвчний ердийн эмчилгээнд нэмэгдэл маягаар хэрэглэж болно.

Утлагаар хэрэглэдэг глюкокортикостероид

Утлагаар глюкокортикостероид болон богино хугацааны бета-адреномиметиийг хэрэглэх үед зохих хэмжээний эмнэлзүй хяналтанд хүрч чадахгүй тохиололд монтелукастыг нэмэгдэл маягаар хэрэглэнэ. Утлагаар хэрэглэж байгаа глюкокортикостероидыг огцом монтелукастаар солихгүй анхаар (“Анхааруулга” хэсгээс харна уу).

Хүүхэд

10мг бүрхүүлтэй Синглон шахмалыг 15-аас дээш насны өсвөр үе болон насанд хүрэгчдэд хэрэглэнэ.

6-аас 14 насны хүүхдэд 5мг зажилдаг шахмалыг хэрэглэнэ.

2-оос 5 нас хүртэлх хүүхдэд 4мг зажилдаг шахмалыг хэрэглэнэ.

Синглон шахмалыг 2-оос доош насны хүүхдэд зөвлөхгүй.

Хэрэглэх арга

Уг бэлдмэлийг хоногт нэг удаа оройн цагаар хэрэглэнэ. 10мг бүрхүүлтэй Синглон шахмалыг хоол ундтай хамааралгүй хэрэглэж болно.

Жирэмсэн болон хөхүүл эхийн эмийн хэрэглээ

Жирэмсэн эхийн хэрэглээ

Туршилтын амьтанд хийгдсэн судалгаанаас үзэхэд монтелукаст нь жирэмсний явц болон үр хөврөл/урагийн хөгжилд нөлөөлдөггүйг тогтоосон.

Маркетингийн дараах судалгаа болон суурь мэдээллээс үзэхэд монтелукаст натрийг хэрэглэхэд ургийн гажиг үүссэн (мөчийн гаж хөгжил) тухай шалтгаан-үр дагаварын холбоо байдагийг зарим нэгэн оронд бүртгэгдсэн.

Зайлшгүй шаардлагатай гэсэн тохиолдолд жирэмсэн эхэд зөвлөнө.

Хөхүүл эхийн хэрэглээ

Туршилтын амьтан болох харханд хийгдсэн судалгаанаас үзэхэд монтелукаст нь хөхний сүүгээр гадагшилдаг. Харин эхийн сүүгээр гадагшилдаг гэсэн ойлголт нь тодорхойгүй байгаа.

Зайлшгүй шаардлагатай гэсэн тохиолдолд хөхүүл эхэд зөвлөнө.

Хэрэглэх заалт

Синглон бэлдмэлийг гуурсан хоолойн багтраа өвчний үед хэрэглэнэ. Ялангуя, хөнгөн болон дунд зэргийн хүндрэлтэй, дахилтат хэлбэр, утлагаар глюкокортикоид болон богино хугацааны бета-адреномиметик бэлдмэлд үр дүнгүй үед нэмэгдэлээр монтелукастыг хэрэглэнэ.

Улирлын гаралтай ринитийн үед синглоныг хэрэглэнэ.

Түүнчлэн гуурсан хоолойн хөдлөлөөс сэргийлэх зорилгоор хэрэглэнэ. Ялангуяа, үйл ажиллагааны ачааллалттай мөн эмгэг жамд гуурсан хоолойн агшилт давамгайлсан үед өргөн хэрэглэнэ.

Хориглох заалт

Бэлдмэлийн найрлаганд орсон аль нэг бодист харшилтай байх эсвэл “Найрлага” хэсэгт заагдсан бодист харшилтай тохиолдолд хэрэглэхийг хориглоно.

+250С хэмээс дээшгүй нөхцөлд, нар болон чийгээс хамгаалж өөрийх нь хайрцаганд хадгална.

Хүүхдийн гар хүрэхээргүй газар хадгална.

Монтелукаст  нь гуурсан хоолойн багтрааны цочмог хөдлөлийг дардаггүй учир энэ үед богино хугацааны үйлдэлтэй бэлдмэлийг өөртөө авч явахыг өвчтөнд тайлбарлаж хэлнэ.  Гуурсан хоолойн багтрааны цочмог хөдлөлийн үед богино хугацааны үйлдэлтэй шүршдэг бета-адреномиметикийг хэрэглэхийг зөвлөнө. Хэрэв өвчтөн богино хугацааны үйлдэлтэй бета-адреномиметикийг олон удаа амьсгалах шаардлага гарвал энэ тухайгаа эмчлэгч эмчид заавал хэлэх шаардлагатай.

Утлагат болон ерөнхий үйлдэлтэй глюкокортикостероидыг монтелукастаар огцом солихгүйг анхаар.

Ерөнхий үйлдэлтэй глюкокортикостероидыг монтелукастай хамт хэрэглэх үед ерөнхий үйлдэлтэй глюкокортикостероидын тунг багасгах тухай мэдээлэл байхгүйг анхаарна уу.

Монтелукастын эмчилгээ нь аспирины шалтгаант гуурсан хоолойн багтрааг өөрчлөхгүй учир уг өвчтөн аспирин болон стероид бус үрэвслийн эсрэг бэлдмэлээс аль болох зайлсхийх шаардлагатай.

Монтелукастын найрлаганд лактозын моногидратыг агуулдаг. Төрөлхийн ховор эмгэг болох галактозийг тэсвэрлэдэггүй, лактазын дутагдал Лаппа болон глюкоз, галактозын шимэгдэлт алдагдсан эмгэгийн үед уг бэлдмэлийг зөвлөхгүйг анхаар.