Насанд хүрэгсдэд:

Архаг явцтай өтгөн хаталт

Эхний зөвлөж буй тун нь 30мл (2 уут ) бөгөөд үүнийг хоногт 2 хувааж хэрэглэх ба 2-3 өдрийн туршид хэрэглэнэ.

Барих тун нь хоногт 15-30мл (1-2 уут) бөгөөд өглөөний цайны үед хэрэглэх нь тохиромжтой.

Өтгөнийг зөөллөх шаардлагатай үед:

Зөвлөж буй тун нь 15мл (1 уут) ба хоногт нэг, хоёр, гурван удаа хэрэглэнэ.

Үүдэн венийн системийн элэгний энцефалопати

Эхний тун 30-45мл (2-3 уут) ба хоногт 3 удаа хэрэглэнэ.

Барих тунг өтгөнийг хоногт 2 буюу эсвэл 3 удаа гадагшлуулах зорилгоор тохируулна.

Лактулозаг юунд хэрэглэдэг вэ?

              Лактулоза нь ууж хэрэглэдэг, осмос даралтанд нөлөөлдөг, туулгах эмийн бүлэгт хамаарагддаг бөгөөд гэдсэн дэх агууламжийг ихэсгэж туулгадаг.

              Лактулоза Лаинко бэлдмэлийг архаг явцтай өтгөн хаталтын эмчилгээнд хэрэглэнэ. Уг бэлдмэлийг өтгөнийг зөөлрүүлэх зорилгоор хэрэглэхээс гадна хошного-шулуун гэдэсний мэс заслын дараа болон хошногоны урагдал цуурхай, цоорхой, буглаа, шархлаа, шамбрамтай өвчтөнд өтгөн гадагшлалтыг хөнгөвчлөх зорилгоор хэрэглэнэ.

               Бэлдмэлийг түүнчлэн үүдэн венийн системийн элэгний энцефалопатийн эмчилгээ болон урьдчилан сэргийлэлтэнд хэрэглэнэ.

Лактулоза Лаинко бэлдмэлийг дараах тохиолдолд хэрэглэхийг цээрлэнэ:

Хэрэв та лактулоза болон Лактулоза Лаинко бэлдмэлийн найрлага дахь бусад бүрэлдэхүүн хэсгүүдэд харшилтай бол.

Хэрэв таньд галактоз зохидоггүй бол.

Хэрэв таньд хоол боловсруулах замын бөглөрөл байгаа бол.

 Бэлдмэлийг хүүхэд үзэж хүрэхээргүй газар хадгална.

              Бэлдмэлийг савлалтан дээрх хүчинтэй хугацаа дууссанаас хойш хэрэглэхгүй. Хүчинтэй хугацаанд тухайн сарын сүүлийн өдөр хамаарагдана.

              Уг бэлдмэл нь хадгалалтын онцгой нөхцөл шаарддаггүй.

              Лактулоза Лаинко бэлдмэлийг үйлдвэрийн савлагаанд нь хадгална.

              Хөлдөөж болохгүй. Бэлдмэлийг хадгалалтын зөвлөсөн нөхцөлд хадгалсан ч гэсэн өнгө нь бараан болж болох ба энэ нь сахарын уусмалын шинж бөгөөд уг бэлдмэлийн эмчилгээний үйлдэлд нөлөөлөхгүй.

               Бэлдмэлийг төвлөрсөн бохирын ус болон ахуйн хогонд хаяж устгаж болохгүй. Хэрэглэгдээгүй үлдсэн бэлдмэлийг хэрхэн хаяж устгах талаар эм зүйчээс асууна. Энэ нь хүрээлэн буй орчноо хамгаалахад туслана.

Дараах тохиолдолд Лактулоза Лаинко бэлдмэлийг хэрэглэхийн өмнө эмчлэгч эмч болон эм зүйчид мэдэгдэнэ.

Үүнд:

Цусан дахь сахарын хэмжээ их байгаа (чихрийн шижин) болон та Лактулоза Лаинко бэлдмэлийг өндөр тунгаар хэрэглэж байгаа бол.

Хэрэв та өндөр тунгаар удаан хугацааны туршид хэрэглэж байгаа бол. Энэ нь шингэний хэт их алдагдал (усгүйжил) бүхий суулгалт болон натрийн түвшингийн ихсэлтэнд хүргэж болно. Энэ нь ялангуяа өндөр настай өвчтөн болон хүүхдэд чухал байдаг.

5мл-т 0,5г-с ихгүй галактоз, 0,33г-ихгүй лактоз, 0.1г  фруктоз агуулагддаг. Иймээс удамшлын шалтгаантай фруктоз зохидоггүй өвчтөн (галактоземи) буюу эсвэл фруктоз зохидоггүй өвчтөн, Лаппа лактазын дутагдал (дутагдал нь Лапландад амьдардаг зарим хүмүүст ажиглагддаг), глюкоз галактозын шингэний алдагдалтай өвчтөн зэрэгт уг бэлдмэлийг хэрэглэхгүй.